Kronaka
Ġuvni jaggredixxi tim mediku ta’ Mater Dei u jwaddab ġebel lejn l-ambulanza

Tliet membri mit-tim mediku mid-Dipartiment tal-Emerġenza ta’ Mater Dei sfaw aggrediti minn ġuvni Libjan waqt li kienu qed jassistu żewġ persuni li kellhom bżonn l-assistenza medika. Il-ġuvni ġie arrestat mill-Pulizija tar-Rapid Intervention Unit.

TVM huwa infurmat li l-każ seħħ fis-sigħat bikrin ta’ dalgħodu, barra stabbiliment tad-divertiment li jinsab fit-telgħa tas-Saqqajja, fir-Rabat.

Kienu għal ħabta tal-4am xħin intalbet l-assistenza medika. Fuq il-post intbagħtu żewġ ambulanzi minn Mater Dei.

Waqt li kienu qed jaraw liż-żewġ żgħażagħ li kellhom bżonn l-assistenza medika, ġew avviċinati mill-ġuvni u beda jkun aggressiv magħhom. Huwa beda jordnalhom biex jagħmlulu l-punti f’rasu dak il-ħin stess għax kellu ferita u wara jwassluh id-dar bl-ambulanza.

Minkejja li ż-żewġ Emergency Ambulance Responders u l-infermier ippruvaw jikkalmawh, il-ġuvni beda jheddidhom u ħin bla waqt fajjar daqqa ta’ ponn f’wiċċ l-infermier.  L-istess ġuvni  beda jaqla’ l-ġebel minn ħajt tas-sejjiegħ u jgarah lejn l-ambulanza.

Ftit ħin biss wara fuq il-post waslu 3 vetturi tal-RIU, bil-pulizija arrestaw lill-ġuvni li kien ukoll agressiv fil-konfront taghom. Wara li ġie arrestat, il-ġuvni ttieħed għall-kura l-isptar fl-isptar mill-istess tim mediku hekk kif irriżulta li huwa kien qala’ xi daqqiet minn persuni oħrajn wara li allegatament qala’ l-inkwiet fl-istess akwati u kellu ġrieħi f’rasu u xuftejh.

Dwar dan il-każ sar rapport lill-Pulizija tad-Distrett.

Aħbarijiet Oħra
Reliġjon

Minn għadd ta’ knejjes ħarġu l-purċissjonijiet bil-vari tal-Ġimgħa l-Kbira. TVM żar il-Bażilika Kolleġġjata fl-Isla fejn segwa t-tħejjijiet li jsiru minn wara l-kwinti qabel ħarġet waħda mill-eqdem purċissjonijiiet li jsiru bħal-lum…

Stejjer Umani

Gesmond Micallef ilu għoxrin sena b’riskju għal ħajtu jmur idewwi nies midrubin serjament fil-gwerer. Ftit tal-jiem ilu, is-sur Micallef li huwa infermier ngħaqad ma’ tim mediku Franċiż biex idewwi nies…

Lokali

Għall-Knisja Kattolika l-qofol tat-tifkira tal-Passjoni u l-Mewt ta’ Ġesù ntlaħaq kmieni l-Ġimgħa waranofsinhar fil-knejjes kollha, bir-rakkont tal-Passjoni skont l-Evanġelista San Ġwann, l-Adorazzjoni tas-Salib, u t-Tqarbin. Minn għadd ta’ knejjes imbagħad…

Lokali

L-arti tal-fotografija magħquda max-xogħlijiet artistiċi tal-uħud mill-vari tal-Ġimgħa l-Kbira f’Malta nġabru fi ktieb li ġie ppubblikat fl-aħħar jiem. Passjoni – Merging Art and Faith huwa l-isem tal-ktieb li jiġbor fih…

Aktar