Qorti
Ġuvni taħt l-età jametti li seraq il-ħwejjeġ minn ħanut fil-Belt

Ġuvni ta’ 17-il sena ammetta li seraq ħwejjeġ minn ħanut il-Belt nhar is-Sibt li għadda, u li fuqu kellu 10 grammi pjanta tal-kannabis għall-użu personali.

Il-ġuvni, li huwa Libjan u li ismu ma jistax jixxandar b’ordni tal-Qorti, jgħix fiċ-ċentru miftuħ ta’ Ħal Far.

Fil-Qorti ntqal kif il-valur ta’ ħwejjeġ misruqa jammonta għal madwar €150. Fuqu nstab ukoll puntell li kien juża biex iżarma l-alarms minn mal-ħwejjeġ.

Fl-istqarrija li ta lill-Pulizija l-ġuvni qal li kien qed jisraq biex jibgħat il-flus lil familtu fil-Libja.

Dwar il-kannabis li kellu moħbija fil-qalziet ta’ taħt, il-ġuvni qal li jpejjep 10 sigaretti tal-ħaxixa kuljum.

Il-Qorti, ippreseduta mill-Maġistrat Gabriella Vella, semgħet lill-prosekuzzjoni titlob għal sentenza riformattiva, u għalhekk ikkundannatu 3 xhur ħabs sospiżi għal sena.

Għad-difiża deher l-Avukat Joseph Bonnici, waqt li l-prosekuzzjoni tmexxiet mill-Ispettur Jeffrey Scicluna.

Aħbarijiet Oħra
Avjazzjoni

F’dawn il-jumejn f’Malta qed titlaqqa’ l-konferenza internazzjonali tal-Avjazzjoni msejħa CAPA, li qed tiddiskuti l-isfidi li hemm fis-settur tal-avjazzjoni. Għal din il-konferenza qed jattendu madwar 100 delegat minn madwar id-dinja, fosthom…

Politika

Wara dak żvelat fil-Qorti dwar l-impjieg ta’ Melvin Theuma bħala messaġġier u xufier f’kumpanija tal-gvern, li minnu ħa tliet xhur paga mingħajr qatt ma mar għax-xogħol, il-pulizija fetħet investigazzjoni fuq…

Parlament

L-Ispeaker tal-Kamra tad-Deputati Anġlu Farrugia qal li Andrew Borg Cardona kien żvija lil uffiċjali tal-Parlament meta jumeujn ilu daħal ma’ grupp ta’ nies fil-gallarija tal-Kamra minflok mar fil-kamra tal-Oppożizzjoni. Dan…

Aktar