Qorti
Ipatti qares minħabba ‘Like’ fuq Facebook

Like fuq profil ta’ Facebook ta’ mara oħra wassal lil Mario Borg ta’ 49 sena minn Ħaż-Żebbuġ fil-Qorti.

Dan hekk kif is-sieħba preżenti tiegħu xejn ma niżlitilha din il-ħaġa, bil-konsegwenza li qam argument bejniethom u l-akkużatu li taha daqqa ta’ ponn.

Borg kien akkużat mill-Ispettur Alfredo Mangion li kkaġuna feriti ħfief fuq is-sieħba tiegħu u anke beżżagħha bi vjolenza. Huwa kien akkużat li naqas li jobdi l-ordnijiet tal-pulizija.

Il-każ seħħ il-lejl illi għadda għal ħabta tas-1am, meta l-mara għamlet rapport lill-Appoġġ fejn ħareġ it-tim ta’ emerġenza u minħabba r-riskju għoli tar-reat, ġew infurmati l-pulizija u r-raġel tressaq il-Qorti.

L-akkużat qal li huwa għadu jħobb lis-sieħba tiegħu. Huwa ammetta l-akkużi, bil-Qorti ssibu ħati u ġie kkundannat sena ħabs sospiża għal sentejn. Il-Qorti ordnat li Mario Borg ma jersaq qatt lejn is-sieħba tiegħu.

L-avukat Martin Fenech deher għall-akkużat.

Aħbarijiet Oħra
Storja

Fl-arkivju notarali fil-Belt ġew konservati bi proċess ta’ restawr id-dokumenti li fihom il-kuntatt tal-għoti tal-George Cross lil Malta f’eżerċizzju li fih ikkollaboraw tliet entitajiet. Il-kuntratt u l-atti notarili tal-għoti tal-George…

Lokali

Messaġġi miżbugħa fuq propjetajiet pubbliċi u privati qed iqajmu tħassib dwar il-mottiv tagħhom. Waqt li xi rapporti qalu li dawn saru mis-Serbi, TVM Malta stħarreġ dwar dawn il-graffiti u l-lingwaġġ…

Politika

Il-Professur Arnold Cassola fi stqarrija qal li mhuwiex xogħol l-Alternattiva Demokratika li tqajjem is-suġġett dwar dibattitu rispettuż dwar l-abort. Cassola qal dan fl-isfond tal-filmat li xandret il-kandidat għall-MEP tal-AD, Mina Tolu,…

Kunsilli Lokali

Il-Prim Ministru u Mexxej tal-Partit Laburista, Joseph Muscat, qal li l-Partit Laburista għandu jkollu kwart tal-kandidati għall-elezzjoni tal-Kunsilli Lokali li jkunu żgħażagħ. Fit-tnedija tal-kampanja START tal-Forum Żgħażagħ Laburisti, Dr Muscat…

Aktar