Lokali
Ħadd ma jweġġa’ f’argument fl-Isptar Monte Carmeli

Il-Ministeru għas-Saħħa ċaħad rapporti li dehru f’xi sezzjonijiet tal-media fejn qalu li ħarab pazjent mill-Isptar Monte Carmeli.

Fi stqarrija, id-Deputat Prim Ministru u Ministru għas-Saħħa Chris Fearne spjega li l-pazjent kellu l-permessi neċessarji biex joħroġ mill-Isptar Monte Karmeli biex jagħmel il-qadi personali tiegħu. Stqarr li li dan baqa’ ma rritornax lejn l-isptar u għaldaqstant sar rapport fl-għassa tal-Ħamrun.

Dwar l-argument irrapportat li seħħ, il-Ministru Fearne spjega li aktar kmieni llum seħħ argument bejn pazjenti rikoverati fis-sala 8B. Stqarr li f’dan l-argument ma kinux involuti infermiera u carers, u ħadd ma weġġa’

Żied jgħid li l-argument ġie kkontrollat f’ħin qasir mill-istaff tal-istess sptar. Il-Ministru Fearne ċaħad li kien hemm xi swali fl-Isptar Monte Carmeli li ġew magħluqa.

Aħbarijiet Oħra
Kronaka

Il-każ ta’ Janet Harvey l-Ingliża li nstabet mejta f’San Pawl il-Baħar ma kienx diffiċli għall-investigaturi biex jistabbilixxu kemm kienet ilha mejta għaliex hemm ix-xhieda ta’ żewġha. Madankollu, f’każi oħrajn ix-xjenza…

Għawdex

Il-Gvern qal fi stqarrija li talab lill-Kummissjoni Ewropea tirrapporta lill-Kunsill Ewropew dwar il-qagħda soċjali u ekonomika ta’ Għawdex, b’mod partikulari dwar id-differenzi li hemm meta tikkumparahom ma’ Malta. Il-Gvern spjega…

Sport

Soluzzjoni temporanja għall-problema tal-parkeġġ fl-Università qajmet bosta lmenti minħabba li parti mill-faċilitajiet sportivi tal-Università spiċċaw f’parkeġġ. Id-deċiżjoni ttieħdet mit-tmexxija tal-Università bi qbil mal-Kunsill tal-Istudenti Universitarji wara li parti kbira tal-parkeġġ…

Aktar