Qorti
Ħaddiem stqarr li jixtieq jgħid il-verità dwar l-inċident bil-patt li jkun protett…

Ħaddiem Albaniż li kien qiegħed jaħdem fuq is-sit tal-kostruzzjoni meta ġġarfet id-dar tal-familja Pace fil-Ħamrun stqarr mal-Pulizija li jixtieq jgħid il-verità kollha dwar il-każ bil-patt li jkun protett. Dan intqal mill-prosekuzzjoni fil-bidu tal-kumpilazzjoni ta’ erba’ rgiel mixlija bil-qtil involontarju ta’ Miriam Pace.

80 ġurnata wara li omm ta’ 54 sena nstabet mejta qalb it-terrapien fi Triq Joseph Scolaro l-Ħamrun, dettalji ġodda dwar kif żvolġew l-affarijiet qabel u wara t-tiġrif ġew żvelati fil-qorti.

Quddiem il-Maġistrat Joe Mifsud, l-Ispettur Robert Vella ż vela li l-istħarriġ tal-pulizija wera li l-musmar li kien qed jintuż a viċin id-dar tal-familja Pace ġie imċaqlaq minn postu wara li d-dar iġġarfet. Huwa qal li fuq is-sit kien hemm żewġ ħaddiema fosthom Nicholas Spiteri li kien qed iħaddem l-excavator u l-ħaddiem Albaniż Erbios Hysa li mal-pulizija dakinhar tal-inċident stqarr li ġie mwissi biex jibqa’ fommu sieket.

Huwa stqarr ukoll li Spiteri kien qed iqatta’ l-blat taħt ix-showroom li tiġi bieb ma’ bieb mad-dar tal-familja Pace ftit qabel dawn iġġarrfu.

Dawn id-dettalji ħarġu fil-bidu tal-kumpilazzjoni tax-xhieda bil-każ tal-pulizija kontra l-Periti Anthony Mangion u Roderick Camilleri u tal-kuntratturi Ludvic Dimech u l-ħaddiem Nicholas Spiteri li jinsabu mixlija li b’nuqqas ta’ ħsieb u traskuraġni kkaġunaw il-mewt ta’ Miriam Pace u li kkaġunaw ħsara fil-proprjetà privata fost akkużi oħra.

L-uffiċjal prosektur kompla jgħid li l-pulizija ġabret il-provi minn camera tas-sigurtà kif min traċċi oħrajn li l-musmar u l-gaffa kienu qed jintuż aw viċin il-binjiet li ġġarrfu.

Aħbarijiet Oħra
Kronaka

Mara Franċiża ta’ 63 sena li tgħix Ta’ Xbiex weġġgħet gravi wara li ġiet milquta minn vettura fil-Gżira lbieraħ. Il-Pulizija kienet infurmata bl-inċident fi Triq ix-Xatt għall-ħabta tas-12.45 ta’ wara…

Kronaka

Xufier ta’ trakk għal xi ħin spiċċa maqbud ġol-vettura wara li nqaleb biha dalgħodu. L-inċident seħħ għall-ħabta tad-9.00am fil-Magħtab, meta x-xufier kien qed isuq trakk tal-għamla Suzuki Iveco. TVM infurmat…

Kronaka

Raġel ta’ 44 sena minn Birżebbuġa weġġa’ gravi wara li ġie milqut minn vettura lbieraħ. L-inċident seħħ għall-ħabta tas-6.30 ta’ filgħaxija fi Triq il-Korp tal-Pijunieri. Il-Pulizija tad-Distrett marru fuq il-post…

Aktar