Stejjer Umani
“Ħaduli kollox… ma baqali xejn” – residenta fil-blokka li ġġarrfet

Mara li kienet toqgħod f’wieħed mill-appartamenti li ġġarrfu fi Gwardamangia rnexxielha ssalva minn traġedja u salvat ukoll il-ħajja ta’ residenti li joqogħdu fl-istess blokka.

Missierha, Lawrence Gauci, kiteb fuq is-siti soċjali għall-ħabta tas-2am, li bintu u żewġha ndunaw li kien qed jinżel it-trab u ħarġu mill-appartament tagħhom biex iqajmu lill-ġirien u ħarġu barra t-triq bil-pyjama.

Malli ħarġu barra l-blokka, ir-residenti raw l-appartamenti tagħhom jiġġarrfu u jsiru borġ ġebel.  Mill-filmati u ritratti li ttieħdu minn fuq il-post jidhru wkoll numru ta’ konsenturi mal-ħitan.

Is-Sur Gauci kiteb li għalkemm hija grazzja kbira li bintu u żewġha għadhom ħajjin, madanakollu spiċċaw ta’ fuqhom senduqhom.  Qal ukoll li hu qed jospitahom f’daru, iżda bintu tinsab iddisprata b’dak li ġara, tant li qaltlu “ħaduli kollox… ma baqali xejn”.

Intant, dawn il-filmati juru l-kommossjoni tar-residenti u r-rabja tal-ġirien hekk kif raw il-bini jkompli jiġġarraf wara li ħarġu fit-triq, fl-istess waqt li bdiet tasal l-ewwel għajnuna fuq il-post.

Ara wkoll:

ARA: Semgħu ċaqlieq fil-bini u ħarbu lejn taraġ biex joħorġu mill-blokka

Aħbarijiet Oħra
Budget

B’reazzjoni għad-diskors tal-Prim Ministru fil-Parlament, il-Kap tal-Oppożizzjoni Adrian Delia qal li Joseph Muscat ma’ wieġeb xejn fuq is-sitwazzjoni tal-għalliema, tal-middle class, tal-popolazzjoni tiżdied, fuq il-problemi tal-banek u fis-settur tal-gaming. Fuq…

Ambjent

Il-Ministru għall-Ambjent, Jose Herrera, waqt li rtira l-emenda oriġinali tal-Gvern għall-mozzjoni tal-Oppożizzjoni, ressaq emenda ġdida li permezz tagħha l-Parlament Malti iddikjara emerġenza fil-klima, bil-Kumitat Parlamentari tal-Ambjent u Ippjanar tal-Iżvilpp jinbidel…

Budget

Il-Prim Ministru Joseph Muscat ħabbar li l-Gvern xtara Villa G’Mangia fejn kienet tgħix ir-Reġina biex fiha isir proġett turistiku. Waqt li wieġeb għall-kritika tal-Kap tal-Oppożizzjoni għall-baġit, Dr Muscat żvela li…

Immigrazzjoni

Il-President Emeritu, Marie Louise Coleiro Preca, qalet li s-soċjetà Maltija għandha tagħmel dak kollu possibbli biex toħnoq id-diskors ta’ mibegħda. Hija kienet qed titkellem fid-dawl ta’ rapport minn The Times…

Aktar