Lokali
Ħal Balzan ifakkar il-wasla tal-istatwa ta’ Marija Annunzjata b’pellegrinaġġ devozzjonali

Il-Komunità ta’ Ħal Balzan fakkret il-wasla tal-istatwa ta’ Marija Annunzjata fosthom b’pellegrinaġġ devozzjonali. Hu dokumentat, li l-istatwa, li saret mill-iskultur Salvatore Dimech waslet f’Ħal Balazan fit-28 ta’ Marzu 1869.

Ħal Balzan fakkar il-150 sena mindu waslet fil-lokalità x-xbieha tal-Lunzjata. L-istatwa titulari ta’ Marija Annunzjara tirrappreżenta l-ġrajja tat-tħabbira ta’ Marija mill-Anġlu Gabriel.

L-Arkanġlu San Gabriel jidher quddiem Marija għarkupptejha taċċetta li tkun omm il-Messija. Carmel Bezzina, li rriċerka dwar raħal twelidu qal li l-istatwa waslet fil-parroċċa ta’ Ħal Balzan fit-28 ta’ Marzu 1869. Żied jgħid li din l-istatwa hija xogħol Salvatroe Dimech, li skolpa wkoll l-istatwa ta’ Santa Marija tal-Mosta.

Din il-ġrajja ta’ 150 sena ilu tfakkret b’pellegrinaġġ devozzjonali bl-istatwa ta’ Marija Annunzjata.

Carmel Bezzina qal “il-Lunzjata f’Ħal Balzan hija dik li tiġborna flimkien bħala komunità. Missirijietna għażlu dan it-titolu meta twaqqfet il-parroċċa, imbagħad bnew dan it-tempju li din is-sena t-tqegħid tal-ewwel ġebla tiegħu ħa tagħlaq 350 sena. Imbagħad 150 sena ilu ġiet il-vara.”

Akkumpanjaw il-pellegrinaġġ iż-żewġ baned ta’ Ħal Balzan.