Ħames inċidenti fatali fl-ewwel kwart tas-sena

Fl-ewwel tliet xhur ta’ din is-sena, naqsu l-inċidenti tat-traffiku rrapportati iżda żdiedu l-korrimenti u l-imwiet.

Bejn Jannar u Marzu kienu rapportati 3,244 inċident tat-traffiku li jirrappreżentaw tnaqqis ta’ 4.6% fl-għadd ta’ inċidenti rrapportati fl-istess perjodu tas-sena l-oħra.

Madankollu żdiedu l-inċidenti li fihom kien hemm korrimenti: 380 fi tliet xhur. Kien hemm ħames persuni li tilfu ħajjithom f’inċidenti tat-traffiku, tnejn aktar mill-istess perjodu tas-sena l-oħra. Tlieta mill-mejta kienu sewwieqa, bit-tnejn l-oħra kienu persuni għaddejjin fit-triq. L-akbar għadd ta’ incidenti b’korrimenti seħħew fil-ġurnata tal-Ħadd, bi kważi wieħed minn kull ħamsa, waqt li l-akbar għadd ta’ inċidenti seħħew fil-jum tal-Ġimgħa.

Birkirkara hi l-lokalita’ fejn seħħew l-akbar għadd ta’ inċidenti tat-traffiku, warajha l-Marsa u Ħal Qormi.

Aħbarijiet Oħra
Qorti

Quddiem il-Maġistrat Marseanne Farrugia llum bdiet tinstema’ l-kumpilazzjoni tax-xhieda fil-każ ta’ John Paul Woods li qed jiġi akkużat bil-qtil ta’ Charlene Farrugia u li ħeba l-katavru tagħha. Ir-raġel kien wieġeb…

Sajd

Kważi sena u nofs minn maltempata qawwija li ħalliet ħerba f’diversi nħawi tal-pajjiż, il-gvern ħabbar li qed jalloka miljun ewro għal skema ta’ kumpens finanzjarju lil sajjieda li l-bastimenti tagħhom…

Qorti

Raġel ta’ 50 sena qed ikun akkużat, fost oħrajn, li stupra lis-sieħba ripetutament u li ħa xbiehat ta’ natura sesswali tagħha bil-ħsieb li jheddidha bihom. Huwa qed jiċħad l-akkużi. Ir-raġel tressaq…

Kronaka

Raġel ta’ 51 sena li jgħix is-Siġġiewi qiegħed isofri minn ġrieħi gravi wara li weġġa’ f’sit ta’ kostruzzjoni fin-Naxxar. Il-Pulizija kienu infurmati bl-inċident fi Triq il-Katakombi għall-ħabta tal-10.00am. Il-Pulizija tad-Distrett…

Aktar