Lokali
Ħames skejjel ippremjati tal-ħidma tagħhom fin-natura

Ħames skejjel sekondarji ġew ippremjati talli ressqu liż-żgħażagħ lejn in-natura.

BirdLife Malta qalet li l-iskejjel ġew ippremjati għall-kisbiet tagħhom tul l-aħħar sena skolastika fi ħdan il-programm Dinja Waħda, programm nazzjonali fil-qasam tal-edukazzjoni ambjentali. Dan il-programm huwa mħaddem mill-BirdLife  Malta b’kollaborazzjoni mad-Direttorat tal-Edukazzjoni.

Id-‘Dinja Waħda Secondary Sustainability Awards’ kienu ppreżentati dalgħodu waqt ċerimonja li saret fiċ-Ċentru ta’ Riżorsi għall-Edukazzjoni Sekondarja Guardian Angel (Kulleġġ San Ġorġ Preca) fil-Ħamrun mill-Kap Eżekuttiv ta’ BirdLife Malta Mark Sultana.

Matul iċ-ċerimonja ta’ dalgħodu, b’kollox tqassmu disa’ awards bejn ħames skejjel li ħadu sehem fil-programm pilota Dinja Waħda fis-sekondarja.

L-Iskola Medja tal-Blata l-Bajda, Kulleġġ San Ġorġ Preca kisbet suċċess fit-tliet kategoriji u rebħet id-deheb għall-kisbiet tagħha fil-kategorija ‘Action for Biodiversity’, fidda fil-kategorija ‘Outreach for Awareness’ u bronż fil-kategorija ‘Connecting with Nature’.

Id-Dun Manwel Attard Young Adult Education Resource Centre tal-Wardija, Kulleġġ Marija Reġina rebaħ żewġ awards f’żewġ kategoriji: deheb fil-kategorija ‘Connecting with Nature’ u fidda fl-‘Action for Biodiversity’ filwaqt li l-Iskola Sekondarja ta’ Ħad-Dingli, Kulleġġ San Nikola rebħet il-bronż f’żewġ kategoriji: fit-taqsima ‘Action for Biodiversity’ u fit-taqsima ‘Outreach for Awareness’.

Finalment, l-Iskola Sekondarja tal-Imrieħel, Kulleġġ Santa Tereża ngħatat l-award tad-deheb fil-kategorija ‘Action for Biodiversity’ filwaqt li ċ-Ċentru ta’ Riżorsi għall-Edukazzjoni Sekondarja Guardian Angel fi ħdan il-Kulleġġ San Ġorġ Preca rebaħ l-unur tal-bronż fil-kategorija ‘Connecting with Nature’.

L-attività serviet ukoll biex ġie mniedi l-programm Dinja Waħda Secondary għas-sena skolastika l-ġdida 2017-18.

 

Aħbarijiet Oħra
Lokali

Segwi Ħadt l-Aħbar mal-Avukata Ramona Frendo u l-Perit Michael Falzon Din hija ħarsa lejn l-istejjer ewlenin fil-ġurnali tal-lum 25/02/2018 The Sunday Times Fuq il-faċċata ritratt tal-President ta’ Malta Marie-Louise Coleiro…

Lokali

Mawra edukattiva għal studenti tat-tieni sena tal-iskola San Benild f’Tas-Sliema kienet ikkaratterizata mill-element tradizzjonali Malti. Ewlenin fosthom il-karozzin, il-lanċa kif ukoll għanjiet Maltin. Fuq in-noti tal-kanzunetta tal-Greenfields – il-karozzin –…

Lokali

Ħoss ġdid u frisk għal The Travellers, il-band li stabbilixxiet ruħha dan l-aħħar għall-kanzunetti li toħroġ bil-Malti u li tant kisbet popolarità bihom. Minn għada, din il-band se tkun qed…

Lokali

Tliet persuni nżammu arrestati mill-Pulizija wara li f’rejd li sar f’residenza u garaxx f’Ħal Qormi mill-Iskwadra ta’ kontra d-Droga nstabu sustanzi suspettati li huma raża tal-kannabis, ħaxixa tal-kannabis, kokaina u…

Aktar