Barranin
Ħamsa mejta f’ħabta bejn ajruplan u ħelikopter f’Mallorca

Ħames persuni tilfu ħajjithom wara li ajruplan żgħir u ħelikopter ħabtu u ġġarrfu fi Spanja.

It-traġedja seħħet fuq il-gżira Mallorca għall-ħabta tas-1.35 ta’ waranofsinhar.

Qed ikun irrappurtat li fil-ħelikopter kien hemm żewġ adulti u persuna taħt l-età, waqt li fl-ajruplan kien hemm żewġ persuni oħra.

It-tiġrif tal-ajruplani niżel fuq ir-raħal Inca, hekk kif il-ħabta seħħet fl-ajru fuq sptar. B’xorti tajba ħadd iktar ma weġġa’.