Ġurnali
Ħarsa lejn l-istejjer ewlenin fil-ġurnali llum

Din hija ħarsa ħafifa lejn l-istejjer fuq il-faċċati tal-ġurnali tal-lum il-Ġimgħa 14 ta’ Settembru, 2018.

Times of Malta tirrapporta li l-Pulizija neħħew bil-forza lill-grupp ta’ dimostranti mill-bini tal-Awtorità tal-Ippjanar hekk kif huma kienu qed jipprotestaw kontra l-pjani għall-bini ta’ pompa tal-petrol barra ż-żona tal-iżvilupp fiż-Żejtun. L-attivisti tal-Moviment Graffiti u Kamp Emerġenza Ambjent okkuppaw id-daħla barra l-boardroom tal-Awtorità tal-Ippjanar, fejn kienet qed isir laqgħa pubblika dwar il-pompa tal-petrol. Ir-rapport jgħid li l-attivisti kienu qed jipprotestaw bid-daqq tat-tnabar jakkużaw lill-aAwtorità li tiżfen għad-daqqa tal-iżviluppaturi. Ir-ritratt li jakkumpanja dan l-artiklu juri żewġ Puliżija qed iżommu mal-art wieħed mill-attivisti. Il-ġurnal jirrapporta li pazjenti li jbatu minn uġigħ kroniku għandhom jistennew tal-inqas xahar biex jirċievu t-trattament l-isptar, b’aktar minn 300 persuna jinsabu fuq il-lista ta’ stennija.

L-Orizzont tirrapporta li fid-dawl ta’ żewġt imwiet f’xahar ta’ żgħażagħ li kienu qed jgħoddsu, il-President ta’ Malta Skin Divers Club saħaq dwar l-importanza li dejjem għandek tkun akkumpanjat meta tipprattika dan l-isport. Rapport ieħor jgħid li ċ-Chairperson tal-Fondazzjoni Marigold, Michelle Muscat nediet il-Pink October għal din is-sena. Ir-rapport jgħid li x-xahar ta’ Ottubru hu ddedikat għall-ħarsien u l-kura tal-kanċer tas-sider, li żdied b’rata allarmanti. Jgħid li sa mill-bidu ta’ din is-sena f’Malta kien hawn diġà 355 każ ġdid ta’ nisa jsofru bil-kanċer fis-sider mentri fid-dinja dan it-tip ta’ kanċer hu mistenni li se jolqot 15% tan-nisa bil-kanċer. Permezz tar-ritratt, l-Orizzont jikkwota lill-Prim Ministru Joseph Muscat jgħid “Qed naraw kif rondi tal-Pulizija fil-Marsa jsiru permanenti”. Huwa kien qed jitkellem dwar is-sitwazzjoni preżenti fl-inħawi tal-imsemmija lokalità.

The Malta Independent tirrapporta li hemm sinjali ta’ persuni li qed jgħixu fil-bini tal-kumpless abbandunat tal-White Rocks. Fi żjara fuq il-post intlemħu għadd ta’ oġġetti personali li jindikaw li hemm in-nies jgħixu hemmhekk. Jakkumpanja dan l-artiklu, ritratt ta’ bagalja miftuħa bi ħwejjeġ ġo fiha, basket u oġġetti personali oħra. Rapport ieħor jikkwota lill-attivist tal-Moviment Graffiti, Andrè Callus jgħid li każijiet ta’ diżubbidjenza ċivili huma parti importanti mid-demokrazija. Huwa qal dan ftit sigħat wara li l-Moviment ipprotesta waqt smigħ tal-Awtorità tal-Ippjanar dwar applikazzjoni għall-pompa tal-petrol fiż-Żejtun. Ir-rapport jgħid li din l-applikazzjoni ġiet rifjutata mill-Awtorità tal-Ippjanar.

In-Nazzjon tirrapporta li s-Segretarju Ġenerali tal-Partit Nazzjonalista Clyde Puli qal li dan hu Gvern bla pjan dwar l-immigrazzjoni u l-ammont tal-popolazzjoni ta’ Malta. Staqsa jekk il-Gvern jixtieq ikabbar il-popolazzjoni ta’ Malta, hu lest biex jilqa’ sfidi akbar – bħall-problemi soċjali, l-edukazzjoni, l-identità, is-saħħa u l-integrazzjoni. Ir-ritratt juri l-ġlied bejn il-pulizija u l-ambjentalisti fl-Awtorità tal-Ippjanar, bin-Nazzjon tgħid li minkejja l-wegħdi tal-Gvern, il-policy dwar il-pompi tal-petrol baqgħet ma nbidlitx. In-Nazzjon jgħid ukoll li Adrian Delia jwiegħed komunikazzjoni ċara u diretta mal-kaċċaturi u n-nassaba. Huwa kellu laqgħa fid-Dar Ċentrali mal-President tal-FKNK Joe Perici Calascione.

Aħbarijiet Oħra
Lokali

Minkejja li 30 sena ilu tilef nofs wiċċu u sofra ġrieħi gravi meta ġġarraf b’ajruplan żgħir, il-bdot Ivan Gatt ma jibżax jirkeb l-ajruplan, la bħala bdot u lanqas bħala passiġġier….

Lokali

Numru ta’ proprjetajiet tal-Gvern li mhumiex jintużaw ser jgħaddu f’idejn għaqdiet mhux governattivi li joffru programmi ta’ housing bħala parti minn skema ġdida mnedija mis-Segretarjat Parlamentari għall-Akkomodazzjoni Soċjali. Is-sejħa għall-applikazzjonijiet…

Lokali

L-Awtorità tal-Ippjanar qalet li għamlet spezzjoni fil-barriera tal-Imqabba li skont artiklu fuq il-ġurnal The Times of Malta għexieren ta’ ħaddiema Torok li jaħdmu għal Taca Construction diġà qed jgħixu fis-sit, fejn…

Toroq

Il-Kummissarju għall-Ambjent u l-Ippjanar fl-uffiċċju tal-Ombudsman ma sabx li kienx hemm amministrazzjoni ħażina mill-awtoritajiet konċernati fl-iżvilupp ta’ Triq Louis Wettinger f’Ta’ Masrija, magħrufa bħala l-bypass tal-Mellieħa. Dan joħroġ mir-rapport tal-investigazzjoni…

Aktar