Lokali
Ħarsa lejn l-istejjer ewlenin fil-ġurnali tal-lum

Ħarsa lejn il-ġurnali ppubblikati llum, it-Tlieta 17 ta’ Ottubru:

Il-faċċata ta’ kull ġurnal ippubblikat illum hija ddominata mill-qtil tal-ġurnalista u blogger Daphne Caruana Galizia lbieraħ wara nofsinhar fi splużjoni qawwija fil-karozza li kienet qed issuq.

L-Orizzont: Bit-titlu li jikkwota lill-Prim Ministru jgħid li mhux se jistrieħ qabel issir ġustizzja u li ġejjin esperti mill-FBI biex jistħarrġu d-delitt, ir-rapport fl-Orizzont jirrakkonta x’seħħ il-bieraħ mit-tlieta ta’ wara nofsinhar ‘il quddiem fil-Bidnija u jgħid li s-16 ta’ Ottubru 2017 se jibqa mfakkar bħala jum iswed għall-ġurnaliżmu.

The Malta Independent tippubblika ritratt ta’ Daphne Caruana Galizia u ta’ x’fadal mill-karozza li kienet qed issuq wara li splodiet – ir-ritratti akkumpanjati bit-titlu “Daphne maqtula” u “Attakk fuq id-Demokrazija u l-libertà tal-espressjoni.

Bit-titlu ewlieni “Qtil Politiku”, In-Nazzjon jippubblika ritratt ta’ Daphne Caruana Galizia u taħtu, sotto-titoli oħra għall-stejjer fil-paġni ta’ ġewwa, fosthom dwar l-investigazzjoni tal-pulizija, ir-reazzjonijiet tal-ogħla awtoritajiet tal-pajjiż, ir-rapportaġġ fil-media internazzjonali u l-mixja ta’ solidarjetà li saret ilbierah f’Tas-Sliema.

Times of Malta wkoll tippubblika t-titlu “Black Monday” bi prominenza fuq l-ewwel paġna u taħtu r-ritratt ta’ x’fadal mill-karozza li kienet qed issuq Daphne Caruana Galizia wara li splodiet. Ir-rapport fil-faċċata huwa kumment editorjali li jgħid li l-aħħar ħaġa li gazzetta tkun trid tirrapporta huwa l-qtil ta’ ġurnalista li ħafna kienu jikkunsidrawha bħala l-aqwa fil-pajjiż. Jgħid li qtil ta’ Daphne Caruana Galizia kien xokkanti mhux biss minħabba kif sar iżda għax kien attakk fuq il-libertà tal-espressjoni. Jgħid li dan kien attakk terroristiku.

Aħbarijiet Oħra
Qorti

Il-Qorti tal-Appell ma qablitx mal-Avukat Ġenerali dwar x’jikkostitwixxi ‘prostituzzjoni’, u tenniet li l-istriptease, il-pole dancing u l-lap dancing mhumiex atti immorali meta jsiru f’post apposta. Fl-2006 l-Pulizija kienu daħlu fl-istabbiliment…

Qorti

Il-partitarji Carmelo Callus u Jason Callus tressqu l-Qorti akkużati li waqt logħba fl-istadium nazzjonali kissru l-paċi pubblika, ġabu ruħhom abbużivament u kienu vjolenti fil-konfront ta’ żewġ uffiċjali tal-Pulizija, b’wieħed minnhom…

Parlament

L-għafsa ta’ qalb tan-nanniet li huma mċaħda min-neputijiet minħabba sitwazzjonijiet familjari reġgħet tqajmet fil-Parlament waqt sessjoni speċjali li kienet iddedikata lin-nanniet. Tressqet ukoll petizzjoni biex isiru emendi fil-liġijiet li jissalvagwardjaw…

Infrastruttura

Il-proġett sar b’inizjattiva tal-Kunsill Lokali tal-belt Victoria li għalih kiseb ukoll fondi mill-Unjoni Ewropea. Il-post ilu jservi ta’ spazju rikreattiv għat-tfal għal kważi ħamsin sena. Is-Sindku, Samuel Azzopardi, qal li…

Aktar