Kurżitajiet
Ħasbuha tajra eżotika iżda x’ħin qabduha xammewha stramba

Fl-Ingilterra kull min lemaħ dan l-għasfur ħaseb li kien qed jara b’għajnejh speċi rari iżda dan ma kienx minnu.

Kienu membri tal-pubbliku li qabdu dak li kien mingħalihom speċi eżotika iżda ntebħu li kien hemm xi ħaġa li tistona hekk kif l-għasfur kien qed jarmi riħa stramba ta’ ħwawar.

L-għasfur ma kien xejn ħlief gawwija miksija curry u ħadd għadu ma jaf kif spiċċat f’dan l-istat. Hija b’konsegwenza t’hekk ma setgħetx ittir kif suppost u għalhekk ittieħdet għand il-professjonisti.

Grupp ta’ veterinarji sabu l-gawwija f’saħħitha iżda ħasluha biex ineħħulha l-ħwawar minn fuqha. Hija mistennija tiġi rilaxxata ladarba tikseb lura saħħitha.

Il-gawwija, li hija magħrufa aħjar bħala herring gull, issemmiet Vinny għall-aktar platt jaħraq tal-curry, il-Vindaloo.

Dan mhux l-ewwel każ ta’ gawwija misjuba miksija curry.

Ara wkoll:

Gawwija oranġjo wara li waqgħet fil-curry

Aħbarijiet Oħra
Televiżjoni u Radju

Apparti ‘L-Imnarja Żmien il-Qtil’ li f’dawn il-jiem Television Malta se jkun qed ixandar mill-ġdid mill-arkivji tal-PBS, għada jixxandar dramm ieħor tal-istess kittieb Malti, ‘Sefora’. F’kummenti lil tvm.com.mt, iben Ebejer, is-Sur Damian…

COVID-19

Il-kap tal-isptar San Raffaele f’Milan l-Italja, Alberto Zangrillo, qal li klinikament il-virus m’għadux jeżisti fl-Italja. F’intervista mar-RAI huwa qal li l-iswab tests li saru fl-aħħar 10 ijiem urew li l-virus huwa…

Aktar