Saħħa
Ħass it-toqol tal-pazjenti Maltin u qrabathom fl-isptarijiet f’Londra

Fl-ewwel żjara tiegħu lill-pazjenti Maltin, fl-isptarijiet f’Londra, il-President George Vella ra mill-qrib il-kura speċjalizzata li qed jingħataw il-pazjenti u ħass it-toqol tagħhom u ta’ qrabathom f’dawn is-sitwazzjonijiet filwaqt li ra kif il-Malta Community Chest Fund qed tkun ta’ spalla bl-għajnuna tagħha.

Fi tmiem żjara ta’ erbat ijiem f’Londra, il-President ta’ Malta, George Vella ddeskriva ma’ TVM il-mumenti meta ltaqa’ mal-pazjenti Maltin li qed jingħataw trattament fl-isptarijiet Ingliżi bħala emozzjonanti.

”Ma tistax ma tħoss għalihom dawn in-nies. Tgħid kieku kont jien x’kont nagħmel? M’hawnx sinjur u fqir. Kulħadd meta tiġi f’dik is-sitwwazzjoni kulħadd huwa bniedem li jrid is-simpatija, li jrid l-għajnuna u jrid il-mogħdrija.”

F’Londra, il-President Vella żar ħames sptarijiet li jikkuraw lill-pazjenti Maltin fl-isfond tal-għajnuna li l-Malta Community Chest Fund jagħti lil qrabathom f’dawn is-sitwazzjonijiet.

”L-MCCF, meta jkunu rreġistraw magħha u jkunu infurmawha li tilgħin hawnhekk jew jakkumpanjaw pazjent jew hu l-pazjent stess, iżomm kuntatt magħha u hemm proċess li bih jieħdu lura ħafna mill-ispejjeż li jkunu għamlu.”

Il-President Vella faħħar is-sens ta’ solidarjetà tal-poplu Malti u Għawdxi li jgħin lill-Community Chest Fund f’din il-missjoni.

”Aħna ngergru fuqna nfusna u naraw l-affarijiet ħżiena, però din hija xi ħaġa li żgur li l-Malti għandu jiftaħar biha.”

Kemm il-pazjenti u qrabathom kif ukoll id-diriġenti u l-konsulenti fl-isptarijiet japprezzaw dawn iż-żjarat li minn żmien għal żmien isiru mill-kap tal-istat, fosthom.

Aħbarijiet Oħra
Ambjent

Il-Wasteserv bdiet il-proċess biex tkabbar il-faċilitajiet tagħha fil-Magħtab. Madwar għoxrin bidwi fl-inħawi li bejniethom għandhom madwar 250,000 metru kwadru ta’ raba’ ġew infurmati li l-Wasteserv qed tikkunsidra li tespropja din…

Kronaka

Raġel ta’ nazzjonalità barranija ġie arrestat wara li allegatament saq fuq uffiċjal tal-pulizija. L-inċident seħħ għall-ħabta tas-17:30 fl-akkwati ta’ Buġibba u ġie arrestat ftit tal-ħin wara fil-Mellieħa. Aktar dettalji fil-ħin…

Lokali

Il-kumpanija Steward Health Care Malta ppreżentat lill-Awtorita tal-Ippjanar applikazzjoni ta’ żvilupp għall-Isptar San Luqa biex fi kliemha jerġa’ jingħata l-ħajja bħala sptar modern li jinkludi aċċessibiltà aħjar għall-ispazji miftuħin u…

Għawdex

Għadha attiva ħafna fuq l-aġenda tal-gvern l-idea li Malta jkollha sistema ta’ metro, tant li l-Ministru Ian Borg ikkonferma ma’ TVM li l-istudju dwar dan jinsab fl-aħħar fażi tiegħu u…

Aktar