Stejjer Umani
Helen tirċievi t-telefonata li kienet ilha tistenna – dal-lejl ingħatat fwied ġdid

Helen kienet ilha tistenna trapjant tal-fwied. L-istorja tagħha kienet ixxandret mill-kamra tal-aħbarijiet ta’ TVM u iktar tard ukoll waqt l-Istrina.

Dan l-aħħar Helen kienet qed tgħix fl-Ingilterra flimkien ma’ żewġha, għax kif jinstab donatur, Helen kellha tiġri lejn l-isptar biex isir it-trapjant minnufih. Biex jagħmlu dan il-koppja Caruana spiċċaw it-tnejn bla xogħol.

Iżda dan is-sagrifiċċju ħalla l-frott, hekk kif ilbieraħ Hellen irċeviet it-telefonata li kienet ilha ħafna tistenna, u ngħatat l-aħbar li kien hemm fwied għaliha.

Iben Helen, Charles, ħabbar fuq il-midja soċjali li l-operazzjoni saret matul dan il-lejl, u li kollox kien mexa kif suppost. Dawn jibqgħu, madanakollu, mumenti delikati sakemm Hellen tirkupra fl-ITU. Charles appella lil kulħadd biex iżomm lil ommu fi ħsibijietu u fit-talb tiegħu.

Intant, f’reazzjoni li tat lil TVM wara li ġiet irrapportata l-aħbar, mart Charles, Christine, qalet li l-famlija ta’ Helen baqgħet impressjonata bir-rispons tan-nies, li ħafna minnhom lanqas jafuha u xorta jixtiqulha l-ġid.

“Kellna ħsiebna ħafna fid-donatur, jien u Charles, u fil-familja tiegħu. Il-ħin kollu naħsbu fih,” qalet Christine. Żiedet tgħid li kienet impressjonata bil-kuraġġ ta’ sur li Helen kellha lbieraħ, u sens ta’ paċi, li ddeskriviet bħala inkredibbli.

L-istorja ta' Hellen

Ħafna persuni bħal Hellen qiegħdin l-Ingilterra jistennew għall-kura u kellhom jitilqu kollox warajhom. Ċemplu biex tkunu tistgħu tgħinu aktar nies bħal Helen. KOMPLU ĊEMPLU! ĊEMPLU 📞5190 2030 – €505180 2012 – €25SMS ✉️50619201 – €11.65BOV Mobile Pay 📱+356 79359565Pledge Line 🖋+356 21 262626

Gepostet von L-istrina am Mittwoch, 26. Dezember 2018

Ara wkoll:

Ilha 8 xhur Londra tistenna trapjant tal-fwied

Aħbarijiet Oħra
Statistika

Riċerka li saret fost persuni b’diżabilità inkluż tfal bl-awtiżmu u persuni bi sfidi mentali, ħareġ li dawn iħossu li m’għandhomx biżżejjed aċċess għal ċertu servizzi. Ir-riċerka li saret mill-Fondazzjoni Inspire…

Kronaka

Tfajla ta’ 19-il sena mid-Danimarka spiċċat misruqa lbieraħ fil-23:30, fil-Gżira. Is-serqa seħħet fi Triq ir-Rebħa, fil-Gżira meta raġel allegatament heddidha b’oġġett jaqta u bil-ponta waqt li kienet qed tpejjep barra…

Kronaka

Matul il-lejl żewġ karozzi ħadu n-nar f’żewġ lokalitajiet differenti. Għall-ħabta tas-siegħa ta’ dalgħodu, il-pulizija kienet infurmata li fi Triq in-Naħal f’ Ħal Qormi vettura tat-tip Toyota Vitz ħadet in-nar. Dwar…

Aktar