Kultura
Heritage Malta tiċħad li se jsir ‘party’ fl-Imnajdra

L-aġenzija nazzjonali tal-wirt kulturali, Heritage Malta ċaħdet li t-Tempji tal-Imnajdra li huma fil-lista tal-wirt dinji, ser jilqgħu fihom kunċert u party bis-sehem ta’ DJ ta’ fama internazzjonali.

Heritage Malta qalet dan wara li l-organizzaturi tellgħu reklam fuq il-midja soċjali ta’ dan l-avveniment u bosta wrew li ma qablux li sit storiku u sensittiv bħat-tempju tal-Imnajdra, se jintuża biex isir party fih.

Heritage Malta qalet li l-avveniment bis-sehem ta’ DJ ta’ fama internazzjonali mhux se jsir fit-tempju tal-Imnajdra. Żiedet tgħid li kemm l-apparat kif ukoll l-ispeakers mhux ser ikunu fit-tinda tat-tempju u t-tempju ser iservi biss bħala sfond għal filming ta’ siegħa waqt inżul ix-xemx.

Il-Kuratur tat-Tempji tal-Imnajdra, Katia Stroud qalet “ikun filmed, imbagħad ikun streamed, live streaming. L-idea hija li ħafna minn dawn id-DJs qed jagħmluha din, li ma ddoqqx għal udjenza lokali imma ddoqq għal udjenza internazzjonali permezz ta’ live streaming.”

Il-Kuratur tat-tempji tal-Imnajdra Katia Stroud kompliet tispjega li Heritage Malta kienet tkun l-ewwel li toġġezzjona li kieku ssir talba sabiex isir ‘party’ f’sit preistoriku.

Spjegat li għal din l-attività li ser isservi ta’ reklam għal siti storiċi Maltin speċjalment mal-ġenerazzjoni żagħażugħa, l-organizzaturi jafu l-limitazzjonijiet tas-sit fosthom li mhux se jkun hemm udjenza.

“Dawl ma jistax ikun qawwi, irid ikun LED cold lights biex ma jagħmlux sħana fuq il-megaliti, is-sound irid ikun baxx u anki jrid ikun barra mit-tined biex ikun ċertu distanza mis-sit u anki ma jivvibrax ġewwa t-tined f’dan il-każ. Peress li se jkun filmed dan, se jkun irrekordjat, il-mużika mhix se tkun għolja ħafna għax imur direttament fil-cameras.”

Temmet tgħid li se jkun hemm uffiċjali tagħha sabiex jiżguraw li l-organizzaturi jimxu mal-kundizzjonijiet imposti minn Heritage Malta.

Aħbarijiet Oħra
Kronaka

Tagħrif li Television Malta ġabar mingħand il-Pulizija juri li r-rapporti ta’ serq x-xahar li għadda naqsu b’25% meta imqabbel ma Marzu tas-sena l-oħra. Fi kliem l-Ispettur Fabian Fleri, mid-Dipartiment tal-Investigazzjonijiet…

COVID-19

Il-proċeduri għall-IVF jinsabu ffriżati għal kollox kawża tal-COVID19. Il-kap tal-awtoritàa għall-protezzjoni tal-embrijun qalet li ttieħdu miżuri biex dawk li jinsabu fl-età massima li fiha jistgħu jinqabdu tqal bl-IVF, jingħataw estensjoni…

COVID-19

Edizzjoni tal-programm DISSETT se tixxandar wara l-bulettin tal-aħbarijiet tat-8.00pm fuq TVM. Dirett mill-istudios ta’ Television Malta: id-Deputat Prim Ministru u Ministru tas-Saħħa Chris Fearne, u diversi professjonisti mill-Isptar Mater Dei…

Lokali

Kull persuna għandha storja x’tirrakkonta. F’pandemija bħal dik li qed ngħixu, kulħadd jintlaqat b’mod jew b’ieħor u kulħadd għandu il-perspettiva tiegħu. M’hemmx dubju li l-COVID19 se tħalli timbru fis-socjetà u…

Aktar