Lokali
Ħidma biex tinfetaħ ambaxxata Maltija fl-Amerika t’Isfel u fil-Marokk

Il-Ministru għall-Affarijiet Barranin Carmelo Abela qal li Malta qed timmira li tiftaħ l-ewwel ambaxxata f’pajjiż tal-Amerika ta’ Isfel, iżda ma żvelax il-pajjiżi li qed ikunu kunsidrati.

“Bħalissa qed niddiskutu fejn, u nfakkar li f’dan il-kontinent Malta hija assenti b’mod diplomatiku u jkun tajjeb li mhux biss politiku imma naraw li nattiraw investiment lejn pajjiża u nsostnu kumpanniji bbażati f’Malta”.

Il-Ministru Abela semma’ wkoll ħidma biex jinfetaħ Konsulat Ġenerali f’Casablanca l-Marokk u ohra f’Tokyo l-Ġappun li mistennija li tinfetaħ s-sena d-dieħla.

Is-sur Abela żied jgħid li l-ambaxxata fil-Ġappun tkattar ir-relazzjonijiet kummerċjali u semma’ li t-turisti Ġappuniżi f’Malta li qed jiżdiedu jonfqu medja ta’ elf u sitt mitt ewro f’kull żjara u li l-esportazzjoni minn Malta għall-Ġappun telgħet għal mija u ħamsin miljun ewro.

Il-Ministru Abela qal li mill-bidu tal-leġiżlatura l-Ministeru fetaħ ambaxxata kull sena, fosthom fil-Ghana. Semma’ wkoll l-impenn biex is-sena d-dieħla jiżdiedu r-riżorsi umani fl-ambaxxata ta’ Malta għan-Nazzjonijiet Magħquda fi New York fost prospetti tajbin li Malta tikseb siġġu mhux permanenti fuq il-Kunsill tas-Sigurtà għal sentejn bejn l-2023 u l-2024.

Il-Ministru Abela qal li l-ftuħ tar-rappreżentanzi diplomatiċi qed isservi ta’ għajnuna konsolari lill-Maltin u lill-kommunità kummerċjali li l-Ministeru jippromovu wkoll b’missjonijiet kummerċjali bħala parti mill-ħidma tiegħu għal promozzjoni tal-kummerċ.

Aħbarijiet Oħra
Lokali

Il-Kummissarju għall-Istandards fil-Ħajja Pubblika George Hyzler fl-ewwel rapport annwali tal-Uffiċċju tiegħu qal li sa Dicembru li għadda rċieva 29 ilment. Minnhom, sebgħa ma setgħux jiġu investigati għal diversi raġunijiet, fost…

Mużika

L-Orkestra Filarmonika ta’ Malta ħabbret sensiela ta’ kunċerti bit-tema Flimkien, fi djar u villaġġi għall-anzjani. Il-kunċerti li se jsiru kull nhar ta’ Ġimgħa filgħodu għandhom l-għan li jwasslu messaġġ pożittiv…

Sport

24 siegħa wara li l-Kunsill tal-MFA iddeċieda li jikkonferma lil Floriana FC bħala Champions tal-BOV Premier League 2019/20, l-eks President tal-MFA Norman Darmanin Demajo stqarr li “ħafna mid-deċiżjonijiet kienu inevitabbli”….

Aktar