Annimali
Ħolqu għadajjar artifiċjali u ħbew ix-xbieki biex jonsbu

Fis-Siġġiewi, instabu 8 żoni fejn kien qed isir l-insib illegalment.

Dan qalitu l-CABS fi stqarrija u saħqet li dawn ix-xbieki li jitpoġġew taħt l-ilma kienu qed jintużaw għall-insib tal-Pispisella, iċ-Ċewċewwa u għasafar akwatiċi oħrajn.

Ix-xbieki moħbija nkixfu bis-saħħa ta’ filmati li ttieħdu mill-ajru, flimkien ma’ voluntarji li kienu qegħdin għassa għal kwalunkwe attività illegali.

Dawn is-siti kienu kollha mgħammra bi xbieki kbar u għadajjar artifiċjali biex jiġbdu lejhom l-għasafar akwatiċi.

Nassab saħansitra nqabad fil-fatt f’għelieqi tas-Siġġiewi fejn kien qed juża sandbar artifiċjali u għasafar oħrajn maqfulin f’gaġġa biex ikompli jonsob.

Dawn il-każijiet kollha ġew irrapportati lill-pulizija li min-naħa tagħhom ikkonfiskaw xi tagħmir filwaqt li qegħdin ifittxu raġel ta’ 40 sena li nqabad mill-CABS b’filmat waqt li kien qed jonsob l-għasafar f’Ħad Dingli.

Ir-raġel kien qed juża xibka ta’ 30 metru, Ċewċewwa maqfula f’gaġġa u tagħmir illegali li jsejjaħ lill-għasafar (electronic bird caller).

Nassab ieħor f’Birżebbuġa nqabad ukoll fil-fatt jonsob illegalment u ġie arrestat mill-pulizija.

 

Aħbarijiet Oħra
Reliġjon

Il-ġrajjiet imfakkra mill-knisja f’dawn il-jiem huma rappreżentati matul is-sena kollha fil-knejjes u l-kappelli, fl-hekk imsejħa Via Sagra, permezz ta’ xbihat li jirrappreżentaw 14-il mument differenti mill-passjoni, il-mewt u l-qawmien ta’…

COVID-19

Mart il-Prim Ministru, Lydia Abela, qalet li bħala omm qed tuża dan iż-żmien fid-dar biex iktar minn qatt qabel tibni r-relazzjoni ma’ bintha Giorgia. F’messaġġ imxandar fuq il-midja soċjali, Dr…

COVID-19

S’issa hu magħruf li minn tal-anqas żewġ Maltin li jgħixu barra l-pajjiż mietu kawża tal-Coronavirus.  John Grima, artist ta’ 88 sena, miet fil-Kanada fejn emigra f’żgħożitu. It-tieni Maltija li mietet…

COVID-19

Erbat ijiem qabel il-ftuħ tal-istaġun tal-kaċċa fir-rebbiegħa, il-Ministru għall-Intern u s-Sigurtà Nazzjonali, Byron Camilleri, qal li l-Korp tal-Pulizija huwa mgħammar biżżejjed biex iħarrek lill-kaċċaturi li jinstabu li qegħdin jiksru l-liġi. Mill-banda…

Aktar