Lokali
“Ħsibthom bombi tal-festa … xħin inżilt nara l-karozzi jaqbdu” – sid il-vetturi

L-għodwa għal John Cortis minn Ħal Qormi ma kinitx bħas-soltu.

Ma’ TVM spjega li dalgħodu xħin qam xamm riħa ta’ ħruq u sema’ xi tfaqqigħ bħal bombi tal-festa. Huwa ħaseb li kienu bombi tal-festa tant li ċempel lil martu u qallha li tal-festa għadhom għaddejjin.

Madankollu, dak li sema’ għall-ħabta tat-3am, ma kinux tal-festa. Dlonk huwa rċieva telefonata mill-għassa tal-Ħal Qormi biex imur s’hemm minħabba li ħarqulu sitt vetturi.

Ma’ TVM, Cortis qal li ma riedx jemmen mal-ewwel iżda malli mar fuq il-post sab ma’ wiċċu xena li żgur qatt ma stenna – dik ta’ sitt vetturi jaqbdu.

Huwa spjega li f’din l-art privata ta’ sħabu kien ilu sena jipparkkja l-karozzi u qatt ma kellu problemi.

Ara wkoll:

Aġġornat: Is-6 karozzi li ħadu n-nar f’Ħal Qormi kienu għall-bejgħ

Aħbarijiet Oħra
Xogħol

Mal-bidu tas-sajf, l-aktar meta t-temperaturi jibdew jaqbżu t-30 grad celsius, tiżdied id-domanda għas-sistemi tal-arja kkundizzjonata. L-assoċjazzjoni tal-importaturi tas-sistemi tal-arja kkundizzjonata ffurmata minn disa’ importaturi qed isib diffikultà biex issib ħaddiema…

Annimali

Waħda miż-żewġ ċifiet li ġimagħtejn ilu ġew salvati wara li tgħaqqdu fi xlief mormi fil-baħar, inħelset lura fl-ambjent naturali tagħha. Birdlife Malta qalet li għalkemm kienu fortunati li ż-żewġ ċifiet…

Saħħa

Aktar minn 40 siegħa f’ġimgħa fil-post tax-xogħol u ammont kbir ta’ xogħol huma fost il-fatturi ewlenin li waslu biex żewġ terzi tal-ħaddiema li ħadu sehem fi stħarriġ lokali qalu li…

Ippjanar u bini

Erba’ għaqdiet mhux governattivi b’interessi ambjentali laqgħu regolamenti aktar stretti fir-riforma proposta tal-politika rurali. L-Assoċjazzjoni tar-Ramblers; Flimkien għal Ambjent Aħjar; Friends of the Earth; u Moviment Graffitti nnotaw b’sodisfazzjon li…

Aktar