Lokali
Ħu Eleanor Walker jgħid li l-akkużat bil-qtil tagħha kien ibigħ id-droga

Il-kumpilazzjoni tal-evidenza kontra Andrew Mangion, akkużat bil-qtil ta’ martu Eleanor Walker, issoktat bix-xhieda ta’ Jack Walker, ħu l-vittma.

Fix-xhieda tiegħu Walker qal li Mangion kien imexxi d-droga. Spjega li hu kien ilu madwar 14-il sena jaħdem f’post tad-divertiment, u li Mangion kien jgħidlu biex jirreferilu n-nies biex jixtru d-droga mingħandu.

Qal li kien jgħix fl-istess sular f’blokka appartamenti ma’ Mangion, u lil dan tal-aħħar kienu jiġu jħabbtulu diversi persuni. Qal li meta Mangion ma kinx ikun id-dar kienu jiġu jħabbtu lilu, u kienu jistaqsuh jistax jaqdihom hu.

Walker ammetta li huwa kien jabbuża mid-droga, iżda saħaq li kien biss utent u mhux bejjiegħ, u li kien temm programm tal-Caritas b’suċċess.

Xehed ukoll l-espert forensiku Joseph Mallia, li qal li biċċa karta mċappsa bid-demm li kienet instabet fuq il-vittma kienet taqbel perfettament ma’ notebook li nstab fil-garaxx ta’ Mangion fis-Swieqi.

Eleanor Walker, ta’ 33 sena, kienet instabet mejta f’maħżen f’Ħal Qormi f’Lulju tas-sena l-oħra.

Aħbarijiet Oħra
Lokali

Persuni li l-ġimgħa li għaddiet żaru ċ-ċimiterju tal-Addolorata f’Raħal Ġdid stqarrew ma’ tvm.com.mt li baqgħu ddiżgustati bl-iskart goff mormi barra dan iċ-ċimiterju. L-iskart intlemaħ barra l-ħitan taċ-ċimiterju, mid-daħla ta’ Triq…

Lokali

Fl-intervent tiegħu llum fil-Parlament, il-Kap tal-Oppożizzjoni Adrian Delia kkritika s-sitwazzjoni fil-Korp tal-Pulizija li qal ġie żarmat mir-riżorsi bit-tluq ta’ diversi uffiċjali għolja u fl-istess waqt qal li daħlu 27 pulizija…

Lokali

Il-Prim Ministru Joseph Muscat tkellem dwar il-pjan tal-Gvern għall-Airmalta meta kien qed jindirizza l-Parlament.  Huwa appella għal ftehim mal-unions għax wissa li l-pjani tal-Gvern għat-tkabbir tal-Air Malta ma jkunx sostennibli…

Lokali

Fil-jiem li għaddew bosta kkummentaw fuq il-media soċjali dwar l-inkonvenjent li ħoloq vann meta kien qed jimblokka l-bankina fi Triq it-Torri tas-Sliema. Jirriżulta li l-vann tħalla pparkjat mill-iktar żoni ffrekwentati…

Aktar