Kronaka
Hugo Chetcuti fil-periklu tal-mewt wara li qala’ daqqiet ta’ sikkina

Hugo Chetcuti li għandu katina ta’ stabbilimenti f’Paceville jinsab fil-periklu tal-mewt wara li qala’ mill-inqas 2 daqqiet ta’ sikkina fl-istonku. L-allegat aggressur li huwa Serb ġie arrestat ftit tal-ħin wara l-Balluta.

Il-każ seħħ ilbieraħ fl-10.30pm fi Triq Santa Rita kantuniera ma’ Triq San Ġorġ, San Ġiljan f’wieħed mill-istabbilimenti ta’ Chetcuti.

Dak il-ħin Hugo Chetcuti kien fl-istabbilment ġdid tiegħu li jinsab ftit ‘l isfel mill-kumpless tas-cinema. F’mument minnhom daħal Serb li mar dritt fuq Chetcuti u tah daqqiet b’sikkina li kellu f’idu.

L-aggressur, Serb ta’ 35 sena ħarab jiġri minn fuq il-post u ġie arrestat f’Tas-Sliema. Waqt l-arrest, huwa ma bediex jobdi l-ordnijiet tal-Pulizija u aggredihom u kkawżalhom feriti ħfief. Fi stqarrija l-Pulizija qalet li kellha tuża t-taser sabiex ir-raġel seta’ jiġi kkontrollat. Minn tfittxija li saret fuqu nstab li kellu arma li taqta’ u bil-ponta. Huwa ttieħed l-isptar Mater Dei għall-kura minħabba li kellu xi ġrieħi u wara li ġie rilaxxat, ġie eskortat lejn il-Kwartieri Ġenerali tal-Pulizija għall-aktar stħarriġ.

Fl-istess waqt Hugo Chetcuti ttieħed b’urġenza l-isptar Mater Dei permezz ta’ ambulanza fejn ġie operat mill-ewwel.

Huwa jinsab fil-periklu tal-mewt.

Bil-każ ġiet infurmata l-Maġistrat tal-Għassa Dr Donatella Frendo Dimech u nftetħet inkjesta.

Aħbarijiet Oħra
Lokali

Fil-Palazz tal-President għaddej ix-xogħol fuq l-akbar proġett li qatt kellha Heritage Malta fl-istorja tagħha. Għadd kbir ta’ ħaddiema qed jaħdmu fuq xogħliiet differenti minn bdil tas-soqfa sar-restawr tal-pitturi. Il-ħsieb huwa…

COVID-19

Grupp ta’ xufiera tal-karozzi tal-linja ilhom fuq xahrejn isuqu vetturi tal-gvern minflok xarabanks. Il-kumpanija Malta Public Transport qed tipprovdi dawn ix-xufiera li ta’ kuljum qed iwasslu għal swab test fiċ-ċentri…

Trasport

Minn għada t-Tnejn, l-ewwel ta’ Ġunju, ser jerġgħu jitħallew isiru l-eżamijiet, kemm prattiċi u tat-teorija, għal-liċenzji tas-sewqan. L-eżamijiet kienu twaqqfu lura f’Marzu minħabba l-imxija tal-COVID-19 u issa ser ikomplu b’għadd…

Lokali

Inkjesta Maġisterjali li nvestigat denunzji li tressqu mill-għaqda Repubblika b’allegazzjonijiet dwar qtil ta’ immigranti, u attentat ta’ qtil ta’ oħrajn ix-xahar li għadda, sabet li dawn ma kinux imsejsa fuq…

Aktar