Kronaka
Hugo Chetcuti għadu f’qagħda kritika

L-imprenditur Hugo Chetcuti għadu qed jingħata l-kura meħtieġa fit-Taqsima tal-Kura Intensiva (ITU) hekk kif il-qagħda tiegħu għadha kritika.

Wara erbat ijiem li qala’ daqqiet ta’ sikkina fi stabbiliment tiegħu stess f’Paceville, Chetcuti jidher li stejqer xi ftit, minkejja li għadu fil-periklu tal-mewt.  Kienu bosta dawk li fuq is-siti soċjali li qalu li qed jitolbu għalih tant li l-familjari tiegħu rringrazzjaw lil kull min qed jagħti l-appoġġ lill-familja tiegħu f’dawn il-mumenti diffiċli.

Chetcuti ġie operat minħabba l-ġrieħi serji li sofra kawża tal-feriment li ġarrab mill-aggressur li madwar 12-il siegħa wara l-każ tressaq il-Qorti ffaċċjat bl-akkużi tal-attentat ta’ qtil tal-imprenditur.

Sorsi qalu lil TVM li Bojan Cmelik, Serb ta’ 35 sena, wasal Malta fil-jiem ta’ qabel sar il-feriment u mhux magħruf jekk kienux jafu lil xulxin Chetcuti u Cmelik.

F’sezzjonijiet oħra tal-media lokali qed ikun irrappurtat li l-aggressur kien impjegat f’wieħed mill-istabbilimenti ta’ Chetcuti u ma kienx tħalla iktar jaħdem fih minn wieħed mill-managers.

Ara wkoll:

Hugo Chetcuti fil-periklu tal-mewt wara li qala’ daqqiet ta’ sikkina

Is-Serb akkużat b’attentat ta’ qtil ta’ Hugo Chetcuti ġie Malta fl-aħħar jiem

Tirnexxi l-operazzjoni li għamel Hugo Chetcuti

Aħbarijiet Oħra
Politika

L-Istitut tal-Ġurnalisti Maltin ikkundanna l-aggressività murija minn attivisti tal-Partit Nazzjonalista fil-konfront ta’ ġurnalisti quddiem id-Dar Ċentrali ftit tal-jiem ilu. Fi stqarrija l-IGM qal li qatt mhuwa aċċettabbli li l-ġurnalisti jiġu…

Traffiku

Fl-2017 kien hemm medja ta’ 68 vettura kuljum li nħarġitilhom liċenzja biex jinstaqu fit-toroq Maltin, għal total ta’ aktar minn 370,000 vettura liċenzjata. Mir-rapport annwali dwar it-trasport f’Malta maħruġ mill-Uffiċċju…

Knisja Maltija

Oriġinarjament magħrufa bħala Casa della Madonna di Manresa, il-Kurja tal-Arċisqof parti integrali mill-istorja reliġjuża u soċjali ta’ Malta. Fl-arkivju jinstabu bosta dokumenti fuq dak li seħħ f’Malta mis-seklu sittax ‘il…

Aktar