Lokali
Ħuta ġdida fil-baħar Malti

Ħuta żgħira tropikali, li sa ftit taż-żmien ilu kienet tinstab f’akwarji lokali; issa ntlemħet fl-ibħra Maltin minn bugħaddas fil-Port ta’ Marsamxett.

Alan Deidun qal li “forma ta’ ċawla ġdida; l-Azure Damoiselle – speċi li ġejja minn eluf ta’ kilometri ‘l bogħod – hija speċi nativa li toriġina fil-Punent tal-Awstralja u tal-Indonesja. M’għandhiex isem bil-Malti għax dawn l-ebda ma jkollhom għax huma speċi ġodda iżda li kieku kellna nagħtuha isem, naħseb li l-iktar wieħed li jixraq huwa dak ta’ Ċawla Kaħlanija billi l-kuġini tagħha huma ċawl oħrajn.”

Il-Professur Alan Deidun qal li l-ispeċi aljeni mhumiex isibu ruħhom biss fil-Mediterran għax jidħlu mill-Oċean Atlantiku jew mill-Paċifiku, iżda b’dilettanti tal-akwarji tal-ilma baħar li jħarrbu ‘l dawn l-ispeċi.

Qal li filwaqt iċ-Ċawla Kaħlanija mhix speċi invażiva, id-Devil Fire Fish, magħrufa bħala l-Lion Fish, li tinsab viċin l-ibħra Maltin toħnoq l-ispeċi fl-istess ambjent tagħha.

“Tiekol ħafna ħut f’ġurnata waħda; tipproduċi b’mod fenomenali – tipproduċi mal-50,000 bajda kull tliet ijiem fl-istaġun tar-riproduzzjoni u ma tantx għandha għedewwa billi hi tipproteġi lilha nfisha b’xewk li jinġetta l-velenu li għandha fuq daharha. Din ma tantx għandha min jikkontrollaha u timpattalek ħut bħaċ-Ċeren għax tikkompeti għall-istess ikel bħaċ-Ċeren” stqarr Prof. Deidun.

Fil-baħar Mediterran hemm mal-15,000 ħlejjaq li jinkludu ħut, ħaxix tal-baħar u granċijiet. Aktar min elf minhom ġew minn ibħra oħrajn.

Il-Professur Deidun qal li l-Port il-Kbir, Marsamxett u l-Bajja ta’ Marsaxlokk huma fost l-aktar postijiet f’Malta li ġew innutati speċi aljeni għax jidħlu mal-bastimenti/=.

Hu qal li l-pubbliku hu mħeġġeġ li meta jinnota ħut stramb jipparteċipa fi Spot the Alien Fish – kampanja li biha s-sajjieda u l-pubbliku jibgħatu ritratti u tagħrif dwar fejn tkun ġiet innotata l-ħuta fuq aliensmalta.eu.

Aħbarijiet Oħra
Kultura

Esebizzjoni li żżewwaq il-figurattiv mas-surreali, il-pitturi ta’ Alfie Gatt jinstigaw u jnebbħu l-kilba għal dak li huwa naturali. “Love Letter” hija kollezzjoni ta’ xogħlijiet artistiċi mimlija immaġinazzjoni. Alfie Gatt huwa…

Stejjer Umani

Iċ-Champion ta’ Malta tal-bowling taħt it-23 sena huwa Philip Gruppetta li mhux biss irnexxilu jegħleb il-kundizzjonijiet intellettwali tiegħu iżda anke l-kompetizzjoni ta’ żgħażagħ oħrajn bla diżabbiltà. Din hi s-sitt darba…

Kultura

Id-Deputat Speaker Claudette Buttigieg inawgurat il-wirja ‘Jiddefendu l-Libertajiet Tagħna’ f’għeluq it-tletin sena tal-Premju Andrei Sakharov għal-Libertà tal-Ħsieb. Andrei Sakharov (1921-1989) kien Russu, bniedem għaref, xjentist kbir, studjuż u awtorità fil-fiżika. Għalkemm meqjus…

Lokali

Fl-ewwel disa’ xhur ta’ din is-sena ftit aktar minn ħames mija u ħamsin pazjent marru għall-kura barra minn Malta. TVM iltaqa’ ma’ Helen Caruana li tinsab Londra tistenna trapjant tal-fwied u…

Aktar