Kurżitajiet, Lokali
AĠĠORNAT: Sid ir-restorant jiċħad li l-kelba tħalliet tiekol mal-mejda

Sid ta’ restorant fix-Xlendi ċaħad li kelba tħalliet tiekol mal-mejda flimkien man-nies, wara ritratt li ttella’ fuq il-midja soċjali u li qajjem kontroversja.

Mara li marret tiekol f’restorant max-Xatt tax-Xlendi qalet li kienet ibbukkjat mejda għal ħamsa u semmiet li kienet se tieħu l-kelba magħha. Qalet li kienet sorpriża sabiħa meta waslet fir-restorant u skopriet li l-kelba kienet se tiġi stmata daqs il-kumplament tal-klijenti fil-ħanut, tant li l-ħaddiema tar-restorant kienu refgħulha siġġu apposta.

Fir-ritratt li tellgħet fuq il-paġna ta’ Facebook ‘Are You Being Served’, il-kelba Nia tidher kuntenta fuq is-siġġu bil-platt quddiemha. Maria Camilleri qalet li lil Nia kienet ordnatilha wkoll platt bir-ross u t-tiġieġ, li niżlilha tajjeb. Hija rringrazzjat lill-ħaddiema tar-restorant għas-servizz u wegħdithom li kienet se terġa’ tirritorna.

Iżda f’reazzjoni iktar tard, it-tmexxija tar-restorant The Boathouse ċaħdet li l-kelba kienet ingħatat siġġu, u qalet li s-siġġu kien żejjed peress li l-mejda kienet magħmula għal sitta min-nies. Fi stqarrija r-restorant sostna li filwaqt li huwa ‘pet-friendly’, tant li pprovda platt ‘disposable’ għall-kelba, madankollu ma jħallix annimali jieklu mal-imwejjed.

Ir-restorant qal li fl-ebda ħin il-kelba ma kielet mal-mejda, u li din ittellgħet fuq is-siġġu biss mill-klijenta sakemm ittieħed ir-ritratt.

Aħbarijiet Oħra
Barranin, Kurżitajiet

Id-Dukessa ta’ Cambridge Kate Middleton normalment dejjem tadatta x’tilbes skont fejn tmur.  Iżda l-libsa li kellha fl-avveniment tal-bieraħ meta attendiet għall-unuri tal-aħjar films u programmi televiżivi fl-Ingilterra, magħrufa aħjar bħala…

Kurżitajiet

Ix-xjentisti qed jagħmlu passi ’l quddiem fil-qasam tat-testijiet bijoloġiċi biex wieħed jintebaħ jekk uliedu jbatux mill-awtiżmu. Dan permezz ta’ testijiet tad-demm u tal-urina. L-istudju tagħhom eżamina tfal bi u mingħajr…

Kurżitajiet

Qassis fi Spanja ma ndunax li kien qiegħed iżewweġ 2 tfajliet. Iż-żwieġ sar fl-1901 fil-Knisja San Jorge, f’A Coruña fi Spanja. Iż-żwieġ bejn Elisa u Marcela huwa l-unika żwieġ bejn…

Kurżitajiet

L-ikel tal-klieb Gravy Train Dog Food tal-kumpanija J.M. Smucker ġew irtirati kollha mis-suq wara li nstabet fih mediċina li tintuża biex traqqad lill-klieb. L-FDA ħarġet stqarrija lbieraħ fejn wissiet lis-sidien…

Aktar