Lokali
Iċ-ċentru ġdid tal-Caritas huwa turija tal-ħidma bejn il-Gvern u l-Knisja għall-ġid tas-soċjetà – il-PM

L-Arċisqof Charles Scicluna radd ħajr lill-Caritas għall-ħidma li tagħmel għall-ġid tas-soċjetà u lill-Istat tal-investiment u għal-fiduċja li qed juri fit-tmexxija tal-Caritas. L-Arċisqof qal dan meta flimkien mal-Prim Ministru Joseph Muscat żar iċ-ċentru terapewtiku għall-adolexxenti li qed jinbena fl-inħawi magħrufa bħala Tal-Ibwar f’Ta’ Kandja, li se jitmexxa mill-Caritas.

Miexi ġmielu l-bini ta’ ċentru ġdid tal-Caritas għar-rijabilitazzjoni ta’ adoloxxenti bil-vizzju tad-droga, f’Ta’ Kandja, fil-limiti tas-Siġġiewi. Fil-preżenza tal-Prim Ministru, inkixfet ġebla kommemorattiva li tbierket mill-Arcisqof.

Il-Prim Ministru Joseph Muscat qal li dan il-proġett favur il-ħajja. Dr Muscat qal li dal-progett qed iseħħ wara żjara li delegazzjoni mill-Gvern u tal-Caritas għamlu fl-Irlanda fejn hemm ċentru simili u sar bdil ta’ tagħrif.

”Nemmen li dan huwa eżempju ieħor tax-xogħol li jsir flimkien bejn l-Istat u l-Knisja li għandhom funzjonijiet totalment differemti minn xulxin fl-opinjon tiegħi fis-soċjetà imma jistgħu jkunu kumplimentari ma’ xulxin ….. Għalija dan huwa proġett favur il-ħajja għax il-ħaja mhux biss twellidha trid imma tibża’ għaliha u għalhekk qed nagħtu sinjal b’saħħtu ħafna favur il-ħajja.”

L-Arċisqof Charles Scicluna stqarr li dan l-investiment qed isir bis-saħħa tal-Istat, li għaraf jinvesti f’ċentru li se jgħin għexieren ta’ żgħażagħ vulnerabbli.

”Dan huwa sinjal ta’ koperazzjoni bejn Stat u Knisja .. jien nimpenja ruħi anke f’isem il-Caritas li din l-isfida nilqgħuha biex din l-inizjattiva tal-Istat u l-Caritas favur iż-żgħażagħ tħalli l-frott.”

L-Arċisqof ta kelmtu li dan is-servizz il-ġdid iservi ta’ ġid għaż-żgħażagħ u li kull min jidħol f’dan iċ-ċentru joħroġ persuna aħjar.

Id-Direttur tal-Caritas, Anthony Gatt qal li dan se jkun servizz importanti għall-adoloxxenti li għandhom problemi tad-droga. Qal li l-parti residenzjali taċ-ċentru terapewtiku jista’ jakkomoda mal-20 persuna minbarra servizzi oħra.

”Għandek firxa ta’ bżonnijiet diffrenti. Hemm dawk li jkunu jistgħu jużaw servizzi residenzjali u jkollhom bżonn jinqatgħu mill-ambjent fejn qed jgħixu biex jieħdu s-support u l-kura neċessarja. Għandek servizzi wkoll ta’ adoloxxenti li m’għandhomx għafejn jinqatgħu kompletament imma jiġu matul il-jum u servizzi ta’ outpatients li jiġu għal sessions ta’ terapija.”

Il-Ministru għall-Familja u s-Solidarjetà Soċjali, Michael Falzon qal li l-Gvern qed jinvesti aktar minn tliet miljun ewro għal daċ-ċentru u ser jikkontribwixxu madwar €750,000 fis-sena għall-operat tiegħu.

Aħbarijiet Oħra
Sport

Isem Jan Mølby hu assoċjat mat-tim tal-futbol ta’ Liverpool. F’karriera ta’ tnax-il sena ma’ dan it-tim, Jan Mølby skorja 62 darba, b’żewġ terzi tal-goals minn penalty. Illum wasal Malta biex…

Infrastruttura

Manager f’sit tal-kostruzzjoni li tkellem ma’ TVM wera tħassib li minkejja l-esperjenza twila li għandu f’siti tal-kostruzzjoni, bir-regolamenti l-ġodda tal-bini u l-iskavar jista’ jitlef ħobżu. Aaron Chetcuti, li ilu sentejn…

Politika

Il-lejl li għadda d-Deputati tal-Partit Nazzjonalisti żammew fommhom sieket fuq l-għatba tad-Dar Ċentrali fi tmiem l-laqgħa tal-grupp Parlamentari. Uħud iżda dehru aktar lesti li jitkellmu dwar dak li għaddej fil-partit…

Aktar