Barranin
Iċ-ċiklun Amphan iħalli ħerba sħiħa f’Kolkata

Iċ-ċiklun imlaqqam Amphan ħalla ħerba sħiħa fil-belt ta’ Kolkata fil-Lvant tal-Indja. Il-maltempata b’riħ li jlaħħaq veloċità ta’ 185 kilometru fis-siegħa u xita qawwija kkawżat il-mewt ta’ mil-lanqas 84 persuna fl-Indja u fil-Bangladesh.

Eluf ta’ siġar inqalgħu mill-għeruq, djar iġġarrfu u nqatgħu l-provvisti tal-elettriku u tat-telefonija għal madwar 14-il miljun persuna.

Bħalissa għadd ta’ skwadri ta’ salvataġġ huma impenjati biex isalvaw lil dawk li spiċċaw f’periklu li jitilfu ħajjithom u anke jippruvaw ireġgħu lura l-Belt għan-normalità. Miljuni ta’ persuni kellhom ikunu evakwati miż-żona u jingħataw kenn f’postijiet aktar siguri.