Kultura
Iċ-Ċina minn għajnejn artisti Maltin

Iċ-Ċentru Kulturali Ċiniż kull sena qed jibgħat erba’ artisti Maltin fi provinċja fiċ-Ċina biex wara li jifhmu l-aspetti kulturali, etniċ u naturali tar-reġjun jissiġillaw dak li jaraw fil-pittura jew il-fotografija. Iċ-Ċina minn għajnejh l-artisti Maltin tista’ tigawda permezz ta’ wirja li tinsab fil-binja tal-Parlament bħala parti mill-attivitajiet li qed isiru fl-okkażjoni ta-sena l-ġdida taċ-Ċina.

L-artisti Debbie Bonello, Andrew Borg, Damian Ebejer u Lucienne Spiteri għandhom aktar minn 60 kwadru bejn pittura u fotografija wara li kellhom esperjenza kulturali u artistika fiċ-Ċina matul is-sajf li għadda. L-artisti jingħataw tema mid-Diriġenti taċ-Ċentru Kulturali Ċiniż li taw din l-opportunità għall-artisti Maltin fil-provinċja ta’ Fujian kif jispjega l-kuratur E.V. Borg.

E.V. Borg qal “kuratur is-suġġett hija n-natura fiċ-Ċina, il-muntanji, il-veġitazzjoni, il-foresti u x-xmajjar huma tant vasti u kbar li jolqtu lil Malti.”

Il-wirja msejħa ‘Spirata fiċ-Ċina’ hija maqsuma f’erba’ partijiet bl-artisti jesebixxu l-arti li ħolqu waqt iż-żjara tagħhom fiċ-Ċina. L-artisti tħallew fil-libertà li jużaw il-midjum li riedu huma biex jesprimu dak li raw u rriflettew fuqu fiċ-Ċina.

EV. Borg qal “kuraturi ħafna minnhom huma biż-żebgħa taż-żejt fuq it-tiela u oħrajn fuq il-karta, hemm sezzjoni fotografija wkoll, din id-darba ma għandniex skultura”.

L-esebizzjoni fil-bini tal-Parlament hija mtellgħa miċ-Ċentru Kulturali Ċiniż hija parti mill-attivitajiet li qed jittellgħu għal bidu ta’ sena ġdida Ċiniża u ser iddum miftuħa sal-aħħar tax-xahar u wara tittieħed f’postjiet oħra fosthom fil-Ministeru ta’ Għawdex u f’Dar il-Mediterran għall-Konferenzi.

Din hija s-sitt sena li qed tittella’ din l-esebizzjoni li hija wkoll frott ta’ ftehim ta’ kollaborazzjoni kulturali li sar bejn iċ-Ċina u Malta biex jinfetħu bibien ġodda għall-artisti Maltin.

Aħbarijiet Oħra
Lokali

Mal-faċċata ta’ waħda mill-binjiet tal-Isptar Mater Dei, dalgħodu niżlu għadd ta’ super eroj. Dawn kienu membri tal-grupp tal-Iscouts tal-Mosta f’inizjattiva sorpriża għat-tfal li fil-btajjel tal-Għid jinsabu rikoverati l-isptar. Spiderman, Superman,…

Enerġija

Fl-aħħar sebà snin tqassmu kważi €50 miljun minn fondi Ewropej, biex familji investew f’panelli fotovoltajċi. F’diversi skemi li saru, ġew stallati kważi 20,000 sistema ta’ pannelli. Bejniethom, is-sena li għaddiet…

Politika

Il-mexxej tal-Partit Demokratiku, Dr. Godfrey Farrugia, iddeċieda li joħroġ għall-elezzjoni tal-Parlament Ewropew. Meta ħabbar it-tliet kandidati tiegħu, il-PD kien indika li dawn in-nomini kienu finali, u li ma kinux se…

Kronaka

Qed issir tfittxija għal Mary Muscat li ġiet irrappurtata nieqsa fit-18 t’April 2019 għall-ħabta tat-15:00. Hija dehret l-aħħar nhar is-17 t’April 2019 għall-ħabta tal-23:35. Mary Muscat tbati bid-Dimenzja. Kull min…

Aktar