Festi
Iċċelebrati llum 3 festi b’elementi uniċi f’Birkirkara, Ħad-Dingli u l-Imġarr

Ħadd wara l-festa ta’ Santa Marija, illum ġew iċċelebrati tliet festi li jħaddnu elementi uniċi. TVM żar il-purċissjoni ta’ Santa Liena li ssir filgħodu, l-offerta għall-irfiegħ tal-istatwa ta’ Santa Marija fl-Imġarr li laħqet somma rekord ta’ €17,000  u l-marċ tal-Festa ta’ Ħad Dingli li ngħata xejra ambjentali.

Ma sbieħ il-Ħadd, il-pjazza u t-toroq fil-qalba ta’ Birkirkara kienu mballati bin-nies għal purċissjoni bl-istatwa ta’ Santa Elena.

”L-għors tagħna li naraw lil Santa Liena ħierġa mill-knisja fit-6 ta’ filgħodu. Santa Liena magħmula għal filgħodu u fix-xemx tidher sabiħa ħafna. Jien ma niġi għalxejn ħlief għal festa. Qas għal marċi ma nattendi imma biex nara lil Santa Liena ħierġa niġi dejjem.”

Fost il-fratelli li ħadu sehem fil-purċissjoni, kien hemm il-fratellanza tan-nisa ddedikata lill-Patruna ta’ Birkirkara. Ir-rettur ta’ din il-Fratellanza spjega li anke l-ilbies hu dinstintiv.

”Il-mazzetta l-ħamra hi pellegrinam, miftuħa min-nofs u buttuna biss fuq u l-arma qiegħdha fin-nofs bl-arma ta’ Sant Elena u flok il-kappun jilbsu velu iswed.”

L-akbar stennija kienet għall-ġirja bl-istatwa ta’ Santa Liena, qabel daħlet lura fil-Knisja.

‘Minn Birkirkara għall-Imġarr: Mat-tokki ta’ nofsinhar, l-Imgarrin inġabru għal tradizzjoni unika. Il-Kappillan Dun George Schembri wara talba u spjega r-regolamenti stieden liż-żewġ gruppi tar-reffiegħa biex jagħmlu l-offerta biex jerfgħu l-istatwa ta’ Santa Marija fil-purċissjoni ta’ filgħaxija.

Il-kappillan qal li l-offerta ta’ €17,000 se tmur għall-proġetti pastorali.

Dun George Schembri qal ”għandna proġett li nagħmlu ristrutturar taċ-ċentru fejn it-tfal u ż-żgħażagħ ikunu aktar komdi fl-ambjent tat-tagħlim.”

F’Ħad Dingli segwejna l-marċ ta’ filgħodu għall-Festa tal-Assunta. Quddiem il-Knisja, folla ta’ nies libsin l-ikħal iċċelebraw mal-banda tar-raħal. B’differenza mis-soltu, iż-Żgħażagħ Brijjużi Dinglin qatgħu l-bżieżaq tal-plastik li kienu jiddistingwu l-marċ, iżda għamlu bżieżaq mod ieħor.”

”Ħsibna li nixtru bubble machine u flok lasktu għandna l-bubbles. Inizjattiva ġdida, naħseb l-ewwel raħal li għamel hekk. U għalhekk nipprovaw bil-mod tagħna ngħinu l-ambjent.”

Il-marċ intemm bi spettaklu ta’ żbroff tal-karti.

Aħbarijiet Oħra
Qorti

Żewġ nisa, li waslu Malta b’dgħajsa ma’ immigranti oħra s-sena l-oħra, spiċċaw il-ħabs minflok il-Ġermanja. Fil-Qorti, l-avukat tagħhom Martin Fenech, spjega li huma użaw dokumenti foloz biex ikunu jistgħu jibdew…

Partit Nazzjonalista

Waqt żjara fix-xelter tal-YMCA li għandu mat-30 resident, il-kap tal-Partit Nazzjonalista Adrian Delia qal li r-realtà tal-faqar f’Malta, qiegħda tiżdied minkejja t-tkabbir ekonomiku tal-pajjiż. Dr Delia qal li l-Gvern għandu…

Xogħol

Fit-tieni kwart tas-sena, bejn April u Ġunju li għadda, Malta kellha t-tielet l-ogħla rata ta’ sejħiet għal impjiegi fis-suq tax-xogħol. Skont ċifri tal-Eurostat, il-postijiet tax-xogħol li kienu qed ifittxu l-ħaddiema…

Aktar