Barranin
Iċedi parti mis-saqaf tat-teatru Piccadilly f’Londra

Għadd ta’ persuni weġġgħu ħafif ilbieraħ filgħaxija wara li ċeda parti mis-saqaf tat-teatru Piccadilly f’Londra.

Waqt li seħħ l-inċident għall-ħabta tat-8.00pm, it-teatru kien ippakkjat għad-dramm Death of a Salesman.

Madwar 1,000 persuna li kien hemm fit-teatru dak il-ħin ġew evakwati. Fit-teatru bħalissa għaddejjin xogħlijiet ta’ kostruzzjoni.

L-aħħar inċident serju ta’ din ix-xorta f’teatru f’Londra seħħ fl-2013, meta 76 persuna weġġgħu, uħud serjament, meta ċeda s-saqaf tat-teatru Apollo.