Ekonomija u Finanzi
Id-DBRS tara 2 xejriet pożittivi fl-ekonomija Maltija

L-aġenzija DBRS wara dal-aħħar ħarġet il-klassifika tal-ekonomija Maltija fil-livell A High, issa ħarġet opinjoni oħra li fiha tgħid li tara żewġ xejriet pożittivi fl-ekonomija Maltija. L-ekonomisti tad-DBRS qalu li waħda minnhom hija t-tkabbir ekonomiku impressjonanti li bejn l-2013 u l-2018 kien fil-livell medju ta’ 7.2 fil-mija gross. L-oħra qalu l-ekonomisti hija d-diversifikazzjoni tal-ekonomija li mxiet b’pass mgħaġġel wara li Malta ssieħbet fl-Unjoni Ewropea fl-2004.

L-aġenzija qalet li d-diversifikazzjoni anke fis-settur tas-servizzi wasal biex żdied il-prodott domestiku gross f’diversi servizzi ewlenin fosthom fil-gaming wara li Malta diġà kellha settur tas-servizzi f’saħħtu fit-turiżmu u fil-qasam tas-servizzi finanzjarji. Id-DBRS innutat li s-settur tal-arti u d-divertiment sar jikkontribwixxi 15 fil-mija minn 4 fil-mija tal-Prodott Domestiku Gross u tgħid li dan huwa dovut għall-industrija tal-gaming.

Minkejja l-attività qawwija fl-industrija tal-kostruzzjoni, id-DBRS qalet li das-settur naqqas bin-nofs il-kontribut tiegħu fl-ekonomija u s-sena li għaddiet is-sehem tiegħu fil-prodott domestiku gross kien biss ta’ 4 fil-mija nofs dak li kien fl-2004.

Aħbarijiet Oħra
Politika

L-Ispeaker tal-Parlament, Anġlu Farrugia, qal li l-membri tal-Kumitat Parlamentari għall-Kontijiet Pubbliċi ma setgħux jagħmlu mistoqsijiet dwar il-kuntratt mogħti mill-Awtorità tat-Turiżmu lid-Deputat Laburista Konrad Mizzi, qabel ma l-kontijiet awditjati tal-istess awtorità…

Saħħa

Id-Deputat Prim Ministru u Minsitru għas-Saħħa, Chris Fearne, ta rendikont tal-ħidma prekawzjonali li ttieħdet mill-awtoritajiet tas-saħħa kontra l-Coronavirus, waqt li tenna li s’issa Malta m’għandha l-ebda każ ta’ Covid-19. Il-Ministru…

Politika

L-Unjoni Ewropea qablet li torganizza missjoni militari mill-baħar u mill-ajru fil-lvant tal-Mediterran fi sforz biex twaqqaf it-traffikar tal-armi bejn ġellieda u milizji rivali fil-Libja. Dan ser isir biex ma jkomplix…

Edukazzjoni

Il-Malta Trust Foundation, li twaqqfet mill-President Emeritu Marie Louise Coliera Preca, ser testendi s-servizz tal-counselling fl-iskejjel fl-iskola medja ta’ Maria Reġina fin-Naxxar, bħala parti mill-proġett Blossom. Il-fondazzjoni kisbet finanzjament ta’…

Aktar