Parlament
Id-Deputat tal-PN Frederick Azzopardi se jinġieb b’air ambulance u jkompli l-kura medika f’Malta

Id-Deputat Nazzjonalista Frederick Azzopardi se jinġieb Malta b’servizz ta’ air ambulance biex ikompli l-kura medika meħtieġa f’Malta.

Dan intqal mill-Ispeaker Anġlu Farrugia fil-Parlament fi twegiba lid-Deputat Kap tal-Oppożizzjoni, David Agius li talab li jkun magħruf l-aħħar żviluppi fuq il-kundizzjoni medika tad-Deputat Azzopardi.

Id-Deputat Azzopardi ħassu ma jiflaħx meta kien qed jattendi laqgħa tal-OECD li saret fil-Marokk. Hemmhekk kien akkumpanjat mid-Deputati Laburisti Rosianne Cutajar u t-Tabib Etienne Grech li tawh l-attenzjoni tagħhom sakemm familjari ta’ Azzopardi ngħaqdu miegħu.

L-Ispeaker Farrugia qal li l-istaff tiegħu qegħdin f’kuntatt kontinwu mal-familji tad-Deputat Azzopardi u mal-klinika privata fejn qed jingħata kura.

Huwa rringrazzja l-istaff tiegħu u l-istaff tal-Ministeru tas-Saħħa li qed jgħinuh biex jinġieb lura Malta. Qal li dan jista’ jsir wara li ġie aċċertat li l-kundizzjoni tiegħu tippermetti li jinġieb fil-pajjiż.

Aħbarijiet Oħra
Infrastruttura

Sas-sajf li ġej mistennija jkunu lesti għall-użu taċ-ċiklisti u l-pubbliku, żewġ pontijiet pedonali li qed isiru bħalissa għal żewġ toroq ewlenin fi Blata l-Bajda u qrib l-ajruport f’Ħal Luqa.Il-pontijiet qed…

Saħħa

Saċerdot li kien jgħallem l-Università jħoss li l-ġerħa tas-solitudni, hi fonda tant, li qed tinħass ukoll fost iż-żgħażagħ. F’kummenti lil Television Malta, Dun René Camilleri stqarr li f’ċerti każijiet, din…

Lokali

L-istudenti tal-primarja u l-ġenituri tagħhom għandhom ċans isiru jafu iktar dwar l-opportunitajiet ta’ xogħol li joffru l-industriji tax-xjenza u t-teknoloġija permezz ta’ expo li qed tiġi organizzata fl-Esplora fil-Kalkara. Fiċ-Ċentru…

Politika

Il-Prim Ministru Robert Abela ħabbar kif se jinħatar il-Kummissarju l-ġdid tal-Pulizija, b’metodu li fi kliemu hu aktar trasparenti mis-sistema ta’ bħalissa fejn il-ħatra ssir direttament mill-Prim Ministru. Dr Abela qal…

Aktar