Politika
Id-deputati tal-PN joħorġu mill-Parlament

Il-Prim Ministru, Joseph Muscat, qal li se jinforma lill-Parlament u joqgħod għall-iskrutinju tad-deputati dwar l-aħħar żviluppi b’rabta mal-istħarriġ fuq il-qtil ta’ Daphne Caruana Galizia fil-mument opportun. Dr Muscat stqarr li bħalissa għaddejjin interrogazzjonijiet mill-Pulizija u f’dan l-istadju hu prematur li jitkellem.

Il-Prim Ministru Muscat qal li dak li gara fis-siegħat li għaddew wera li l-istituzzjonijiet jaħdmu u ma jħarsu lejn wicc ħadd. Dr Muscat qal li hu jerfa r-responsabilitajiet kollha tiegħu. Żied li kif qal sentejn ilu jasal il-mument tiegħu li jirriżenja, iżda mhux f’dan il-mument. Żied li kif qal sentejn ilu, jasal il-mument tiegħu li jirriżenja, iżda mhux bħalissa għax qal li f’dan il-mument, li sejjaħlu delikat, il-pajjiż għandu bżonn tmexxija, u hu mhux se jabdika minn din ir-responsabbiltà

Id-deputat Robert Arrigo, sejjaħ għar-riżenja tac-Chief of Staff tal-Prim Ministru Keith Schembri u l-Ministru Konrad Mizzi u staqsa lill-Prim Ministru kienx se jkeċċihom mill-pożizzjonijiet li jokkupaw fil-gvern minħabba r-rabtiet tagħom ma’ Yorgen Fenech.

Il-Prim Ministru Muscat wieġeb li dawn iż-żewġ persuni ma ssemmewx b’rabta mal-każ.

Id-Deputat Arrigo wieġeb li fin-nuqqas ta twegiba dwar it-tkeccija ta’ dawn iż-żewg persuni, l-Oppozizzjoni kienet se titlaq ‘il barra bi protesta. L-Oppożizzjoni ħarġet mill-kamra tar-rappreżentanti għax qalet li mhux se tkun parteċipi ma’ gvern li mhux jinteressah mill-interess nazzjonali.

Intant is-seduta ssuktat b’diskussjoni fit-tieni qari dwar abbozz ta’ ligi fuq il-ħasil ta’ flus. Il-Ministru tal-Finanzi, Edward Scicluna, qal li hu qatt ma ndaħal fir-reklutaġġ jew it-tmexxija tal-FIAU. Ilmenta li taħt gvern preċedenti din l-istituzzjoni tħalliet mingħajr rizorsi umani u tekniċi fosthom fit-teknoloġija tal-informatika.

Aħbarijiet Oħra
Kronaka

F’żewġ każijiet separati, llum żewġt irġiel ippruvaw iweġġgħu lilhom infushom waqt li kienu miżmuma fil-lock-up tal-Pulizija. L-ewwel każ seħħ fis-sagħtejn neqsin kwart u nvolva raġel Eġizzjan, waqt li t-tieni każ…

Attività

Min-nhar l-Erbgħa sal-Ħadd li ġej it-toroq fiċ-ċentru tar-Rabat qed jilqgħu ir-raba’ edizzjoni ta’ Natalis Notabilis, l-ikbar villaġġ tal-Milied f’Malta. Fost l-attrazzjonijiet, bankarelli b’ikel tradizzjonali tal-Milied, logħob għat-tfal u produzzjonijiet tad-drama…

Politika

Ikomplu jterrqu fil-lokalitajiet u anke fuq il-mezzi tal-media biex jirbħu l-qlub u l-vot tal-attivisti Laburisti li fil-11 ta’ Jannar iridu jgħażlu bejn id-deputat Prim Ministru Chris Fearne u d-Deputat Robert…

Qorti

Mara u raġel skansaw il-ħabs u ġew illiberati mill-akkużi kollha wara li appellaw minn sentenza tal-Qorti tal-Maġistrati. Anne Axiak ta’ 48 sena kienet weħlet 14-il xahar ħabs u Edward Grech…

Aktar