Avjazzjoni
Id-dilettanti tal-avjazzjoni jġeddu l-memorji tal-airshows

Hekk kif ilbieraħ il-Malta Aviation Society ħabbret li s-sena d-dieħla l-airshow mhux se tkun tista’ ssir, bosta dilettanti tal-avjazzjoni b’nostalġja qed ixerrdu fuq il-midja soċjali ritratti u filmati tal-ispettakli tas-snin li għaddew.

L-air show bdiet issir fl-1993 u baqgħet issir kull sena għal 25 sena. Fuq il-midja soċjali, is-Soċjetà Maltija tal-Avjazzjoni (MAS) qalet li minkejja li ħadmet mal-Ministeru għat-Turiżmu biex tkun tista’ torganizza l-airshow għall-2020, dan l-ispettaklu mhux se jkun qed isir.

Il-MAS qalet li r-raġuni ewlenija hija l-fatt li l-ajruport internazzjonali ta’ Malta (MIA) ma pprovdiex parkeġġ adegwat għall-ajruplani tal-airshow. Żiedet tgħid li mhix konvinta li l-ispazju mitlub minnha huwa bżonjuz għall-operat tal-ajruport, tant li minn stħarriġ li għamlet irriżulta li dan rari jintuża.

Waqt li rringrazzjat lil Malta Air Traffic Services, l-MAS qalet li tinsab iddiżappuntata li l-Gvern Malti m’għamilx biżżejjed pressjoni biex l-MIA tipprovdi l-ispazju neċessarju bil-għan li Malta jkollha l-airshow tagħha bħal pajjiżi Ewropej oħra.

Aħbarijiet Oħra
Enerġija

Fil-budget, il-Gvern ħabbar li se jagħti għotja ta 25%, sa massimu ta’ €1,000, biex jinxtraw batteriji għall-ħażna tal-enerġija rinnovabbli. Għal din l-għotja se jkunu eliġibbli l-familji li għandhom pannelli tax-xemx…

Lokali

L-Istitut Ewropew għall-Ugwaljanza tal-ġeneru kklassifika lil Malta fil-ħmistax il-post, kważi nofs triq fl-ugwaljanza bejn in-nisa u l-irġiel. L-indiċi jkejjel diversi fatturi li jiddeterminaw il-kwalità ta’ ħajja tan-nisa f’pajjiżi Ewropej, mix-xogħol,…

Sajd

Ċifri għall-2017 maħruġa mill-Uffiċċju Nazzjonali tal-Istatistika juru li l-industrija tat-tonn f’Malta ipproduċiet 13,000 tunnellata ta’ tonn, b’valur ta’ kważi €170 miljun li 90% minnu ġie esportat lejn il-Ġappun. Il-Federazzjoni Maltija…

Ambjent

Il-Gvern u l-Oppożizzjoni ppreżentaw mozzjonijiet kontrastanti dwar l-emerġenza fil-klima bil-mozzjoni tal-Gvern temenda dik tal-Oppożizzjoni li trid li jitwaqqaf kumitat parlamentari li jkollu s-setgħa jaħtar superintendent biex jiżġura li Malta tilħaq…

Aktar