Lokali
Id-Dipartiment tal-Emerġenza rċieva aktar minn 30,000 sejħa għall-għajnuna fl-2017

Is-sena li għaddiet, id-Dipartiment tal-Emergenza daħallu aktar minn 30,000 sejħa għall-għajnuna.

Id-Dipartiment tal-Emerġenza mhux biss it-tobba, iżda ukoll l-infermiera u l-Emergency Ambulance Responders. Dawn il-ħaddiema jerfgħu fuq spallithom responsabbilità kbira li mhux biss jieħdu t-telefonata għall-għajnuna, iżda ukoll jiffaċċjaw għadd ta’ diffikultajiet, kemm minħabba s-sewqan ta persuni oħra u anke aggressjoni mill-pazjenti jew familjarji.

Mara u raġel, tard is-Sibt filgħaxija ddaħħlu l-isptar għal kura bi ġrieħi serji wara inċident tat-traffiku fil-bypass ta’ Ħal Għaxaq. TVM huwa infurmat li l-mara ntlaqtet mill-mutur misjuq mir-raġel, waqt li kienet qed taqsam it-triq. Fuq il-post intbagħtu żewġ ambulanzi li ħadu liż-żewġ persuni l-isptar. Fuq il post marru l-pulizija tar-Rapid Intervention Unit u tad-Distrett, li qed iħejju rapport tal-inċident.

U aktar kmieni, mara 63 sena li kienet passiġġiera f’karozza, is-Sibt filgħodu ttieħdet l-Isptar Mater Dei wara li kienet involuta f’inċident tat-traffiku fit-Telgħa tas-Saqqajja, fir-Rabat. L-ewwel għajnuna medika fuq il-post ingħatat mit-tim tal-ambulanza tad-Dipartiment tal-Emerġenza.

Dan il-każ huwa wieħed mill-ħafna inċidenti li jintbagħtu fuqhom il-ħaddiema tas-servizz tal-emerġenza ta’ Mater Dei. Iżda mhux kollox huwa ward u zahar.

Fl-aħħar ġimgħat, dawn il-ħaddiema li ssejħu biex jagħtu l-għajnuna, sfortunatament  spiċċaw aggrediti mill-pazjent li marru biex jgħinu. F’każ li seħħ f’Bormla, b’wieħed mill-ħaddiema spiċċa korrut serjament. Minkejja dan kollu, dawn il-ħaddiema huma dedikati f’xogħolhom, kif stajna naraw mill-ħin li qattajna magħhom matul il-jum tas-Sibt. Dipartiment li ma jieqaf qatt.

Brian Chetcuti, team leader tal-ambulanzi qal li “dawn niltaqgħu magħhom, kemm min-naħa tal-pazjent, kif ukoll xi kultant min-naħa tal-familjari. Dejjem rajna kif tkellimna mal-familjari, u mal-pazjent imma mhux dejjem tkun taf  x’se nsibu”.

Patrick Vassallo mill-Emergency Ambulance Responder qal li “aħna qegħdin hemm biex ngħinuhom u mhux gost u pjaċir tagħna u tispiċċa sfortunatament b’daqtejn. L-appell tiegħi hu li bniedem f’sitwazzjoni bħal din iżomm il-kalma”.

Is-sena li għaddiet, id-Dipartiment tal-Emerġenza, permezz tan-numru 112, irċieva 38,000 telefonata għall-għajnuna. Żieda ta’ 3,000 telefonata fuq is-sena ta’ qabel. Rachel Borg, Acting Deputy Charge Nurse spjegat lil TVM li huwa importanti li min iċempel jagħti l-informazzjoni preciza

Rachel Borg spjegat li “kif tidħol telefonata u l-ambulanza tintbagħat fuq il-post li jtuna. L-ewwel sfida hi li l-indirizz li jtuk huwa fattwali u kif tasal issib id-direzzjoni eżatt. Nitolbu li iktar ma jkollna dettalji fit-telefona tkun qed tgħinnha ħafna”.

Id-Dipartiment tal-Emerġenza jiltaqa’ ma’ ħafna sfidi, speċjalment meta jkunu sejrin u meta jaslu fuq post ta’ inċident.

Joseph Cavallo, Emergency Ambulance Responder  qal li “meta tasal fuq il-post ġieli ssib nies li m’għandhom x’jaqsmu xejn illi jtellfuk flok jgħinuk .. u meta nkunu għaddejjin sfortunatament ikollok nies li kif jisimgħu ambulanza u sirena jitfixxklu u flok jersqu fuq ix-xellug jieqfu fin-nofs u ma tkunx tista tgħaddi minn bejniethom”.

Aħbarijiet Oħra
Kronaka

Uffiċjali tad-Dwana stazzjonati fl-ajruport qabdu mad-€19,000 fi flus mhux iddikjarati waqt kontrolli ta’ rutina fis-sala tat-tluq. Passiġġiera Maltija li kienet se taqbad titjira lejn Istanbul ġiet mistoqsija jekk jekk kellhiex…

Budget

Il-Kap Eżekuttiv tal-Assoċjazzjoni Għawdxija għat-Turiżmu, Joe Muscat, jitkellem dwar dak li l-GTA qed tistenna mill-baġit 2019:

Ambjent

Il-Gvern qassam aktar minn tliet mitt siġra lil seba’ kunsilli lokali. Il-lokalitajiet: il-Marsa, l-Imdina, il-Fgura, il-Gudja, Santa Luċija, il-Ħamrun u San Ġiljan ingħataw is-siġar fuq talba tagħhom stess biex ikomplu…

Budget

Il-Kap tal-Politika tal-Kamra tal-Kummerċ, Andre Fenech, jitkellem dwar dak li qed tistenna l-Kamra mill-baġit 2019:

Aktar