Lokali
Id-Dipartiment tal-Protezzjoni Ċivili jħarreġ pumpiera mill-Ghana f’Ħal Far

Grupp ta’ ħaddiema tat-tifi tan-nar mill-Ghana qed jitħarrġu mad-Dipartiment tal-Protezzjoni Ċivili f’Ħal Far. Il-Ministeru tal-Affarijiet Barranin u l-Ministeru tal-Intern iffinanzjaw dan it-taħriġ b’assistenza finanzjarja li tlaħħaq it-€30,000.

Il-Ministru Carmelo Abela, waqt li żar lill-pumpiera li qed jieħdu t-taħriġ, qal li Malta b’dan l-impenn qed tonora l-obbligi tagħha fl-inizjattiva għall-politika ta’ assistenza għat-tisħiħ tar-riżorsi fil-pajjiżi tal-Afrika.

Il-Ministru Abela qal li minbarra din l-inizjattiva, il-Ministeru qed jagħti boroż ta’ studju f’livell ta’ Masters lill-istudenti mill-Ghana, fost pajjiżi oħra mir-reġjun tas-Sub-Sahara, fosthom anke korsijiet fil-qasam bankarju lill-uffiċjali tal-Bank Ċentrali tal-Gambja.

Il-Ministru tal-Intern Michael Farrugia qal li dan huwa t-tieni grupp ta’ ħaddiema tat-tifi tan-nar mill-Ghana li qed jitħarrġu f’Malta, u stqarr li dan it-taħriġ huwa ta’ benefiċċju wkoll għad-Dipartiment tal-Protezzjoni Ċivili biex iżomm ruħu aġġornat mal-avvanzi li jsiru f’dan il-qasam.

Aħbarijiet Oħra
Kultura

Restawr estensiv fil-Berġa ta’ Aragona kixef forn uniku u fdalijiet storiċi oħra ta’ żmien il-Kavallieri. Hu maħsub li ladarba jitlestew ix-xogħlijiet ta’ restawr f’din il-berġa, dan il-wirt storiku jibqa’ mikxuf…

Kronaka

Fi stqarrija uffiċjali, il-Gvern qal li ħatar inkjesta pubblika indipendenti dwar il-qtil tal-ġurnalista Daphne Caruana Galizia. Il-Prim Ministru Joseph Muscat ħatar lill-Imħallef Emeritu Michael Mallia, biex jippresedi Kummissjoni ta’ Inkjesta…

Ambjent

Mijiet ta’ eluf ta’ dimostranti, ħafna minnhom żgħażagħ inġabru u qed ikomplu jinġabru fi bliet madwar id-dinja fi protesta biex isejħu għal azzjoni immedjata favur il-klima dinjija. F’Malta wkoll, attivitsti…

Droga

Sejba ta’ madwar seba’ kilos ħaxixa tal-Kannabis flimkien ma’ ammont ta’ trab abjad suspettat droga kokajina lesta biex tiġi traffikata saret bis-saħħa tal-Iskwadra ta’ kontra d-Droga u membri tal-RIU. Parti…

Aktar