Eurovision
Id-diżabilità ma xxekkilhomx milli jkantaw fil-Eurovision

Grupp ta’ 8 mużiċisti b’diżabilità llejla se jitilgħu fuq il-palk tal-Eurovision.  The Shalva Band se jkunu qed ikantaw A Million Dreams waqt l-intervall tat-tieni semifinali.

Huma grupp ta’ ispirazzjoni tant li ġew mistiedna jieħdu sehem f’diversi avvenimenti importanti u quddiem dinjitarji.  Shalva hija l-Assoċjazzjoni Iżraeljana għall-Kura u l-Inklużjoni tal-Persuni b’Diżabilità u l-band hija waħda mill-iktar programm ta’ inklużjoni li qatt kiseb suċċess.

Huma se jkunu qed jagħtu wirja u żgur li se jiġbdu s-simpatija tal-udjenza fl-arena ta’ Tel Aviv u tat-telespettaturi li se jkunu qed isegwu t-trażmissjoni tal-lejla.   The Shalva Band ħadu sehem f’The Rising Star u rtiraw mill-konkors qabel il-finali.  Iżda sadanittant laħqu kisbu popolarità kbira f’Iżrael u kienu favoriti li jirbħu.

Il-ħolma tagħhom li jieħdu sehem fil-Eurovision illejla se ssir realtà iżda bħala parteċipanti mistiedna mhux bħala kompetituri.  Bil-wirja tagħhom, se jkomplu jgħaddu messaġġ ta’ inklużjoni u iktar tolleranza fil-konfront tal-persuni b’diżabilità.

Aħbarijiet Oħra
Barranin

Il-Prim Ministru Ingliż Boris Johnson qal li l-possibiltà ta’ ftehim emendat dwar Brexit jiddependi fuq il-pajjiżi tal-Unjoni Ewropea, iżda tenna li r-Renju Unit għandu jkun imħejji li jitlaq sal-31 ta’…

Barranin

Ħames persuni tilfu ħajjithom wara li ajruplan żgħir u ħelikopter ħabtu u ġġarrfu fi Spanja. It-traġedja seħħet fuq il-gżira Mallorca għall-ħabta tas-1.35 ta’ waranofsinhar. Qed ikun irrappurtat li fil-ħelikopter kien…

Barranin

Frank u Carmen Sant, Maltin li jgħixu l-Awstralja, tilfu ħajjithom matul il-lejl li għadda wara li kienu involuti f’inċident f’Sydney. Il-każ kien irrappurtat mill-midja Awstraljana u anki minn dik Ingliża,…

Barranin

Il-pulizija f’Hong Kong użaw il-gass tad-dmugħ biex iwaqqfu protesti kontra l-gvern f’subborg industrijali wara li l-attivisti waddbu bombi tal-petrol u bricks. Dan seħħ hekk kif ċ-Ċina ħelset ħaddiem tal-konsulat tar-Renju…

Aktar