Lokali
Id-DOI għandu jibża’ għall-imparzjalità politika tiegħu – il-Kummissarju Hyzler

Il-Kummissarju għall-Istandards fil-Ħajja Pubblika George Hyzler ikkunsidra lment li rċieva mill-avukat Andrew Borg Cardona dwar stqarrija maħruġa mid-Dipartiment tal-Informazzjoni (DOI) f’isem il-Ministru Konrad Mizzi fi Frar li għadda li fiha ħabbar li rtira l-libelli li kien għamel dwar allegazzjonijiet kontrih dwar ħasil ta’ flus, billi qal li dawn l-allegazzjonijiet kienu diġà ġew iddikjarati bla bażi mill-qrati.

Il-Kummissarju sostna li din l-istqarrija kienet fuq materja personali u kienet miktub b’ton partiġġjan billi akkużat lill-membri tal-Oppożizzjoni li nisġu xibka ta’ qerq u tefgħu t-tajn kontrih. Il-Kummissarju qal li lingwaġġ bħal dan mhux xieraq li jintuża fi stqarrijiet uffiċjali maħruġa mid-DOI.

Il-Kummissarju qal li huwa rrikonoxxa li l-Ministru Mizzi seta’ ġie żvijat minħabba n-nuqqas ta’ policy dwar dan. Il-Kummissarju kkonkluda li r-rimedju xieraq hu li l-Ministru jagħti struzzjonijiet lill-uffiċjali tiegħu biex ikunu aktar sensittivi fid-distinzjoni bejn materji uffiċjali u materji privati jew partiġġjani, u biex fil-futur ma jużawx id-DOI għal materji privati u partiġġjani. Qal li l-Ministru Mizzi aċċetta li għandu jieħu din l-azzjoni u għalhekk il-każ ingħalaq.

Dr Hyzler żied jgħid li d-DOI għandu “jibża’ għall-imparzjalità politika tiegħu”, u li għandha tiġi adottata policy dwar l-istqarrijiet minn ministeri jew possibilment policy usa’ dwar ir-rwol tad-DOI fid-dinja tal-media.

Aħbarijiet Oħra
Edukazzjoni

Fix-xhur tas-sajf, meta ħafna mill-iskejjel ikunu baħħ, il-Ministeru tal-Edukazzjoni ħa l-okkażjoni jwettaq xogħlijiet ta’ manutenzjoni u tisbiħ u faċilitajiet ġodda fi kważi 100 skola tal-Gvern madwar Malta u Għawdex. Ħafna…

Kultura

Għaddej ir-restawr tal-eqdem binja fil-Mellieħa . . . kumpless ta’ tmintax-il kamra li kienu nbnew biex joffru spazju għal ftit ħin ta’ mistrieħ lill-pellegrini li jżuru s-santwarju tal-Madonna tal-Mellieħa. Il-qagħda…

Kostruzzjoni

L-Assoċjazzjoni tal-Iżviluppaturi (MDA) tikkundanna r-rimi illegali ta’ skart tal-kostruzzjoni f’postijiet pubbliċi. Dan l-assoċjazzjoni qalitu fi stqarrija wara t-tħassib li wera l-pubbliku fuq il-media soċjali, f’dak li għandu x’jaqsam mar-rimi ta’…

Lokali

Il-Prim Ministru Joseph Muscat qal li l-Gvern ma jistax jindaħal biex iwaqqaf kawżi ċivili li jkunu nfetħu minn ċittadini privati jew minn terzi kontra ġurnalisti li jkunu ġew nieqsa u…

Aktar