Lokali
Id-Dwana b’qabda rekord ta’ oġġetti bil-kuntrabandu

Is-sena l-oħra, id-dħul għall-Gvern iġġenerat mid-Dipartiment tad-Dwana qabeż l-€447 miljun. Iżda apparti ż-żieda fl-introjtu mit-taxxi fuq l-oġġetti impurtati, is-sena li għaddiet kienet storika għad-Dwana li qabdet numru rekord ta’ oġġetti li kienu deħlin bil-kutrabandu fosthom droga u prodotti foloz.

Id-Dipartiment tad-Dwana huwa wieħed mill-aktar dipartimenti importanti għall-kaxxa ta’ Malta. Ċifri miksuba minn Television Malta juru li s-sena l-oħra d-dwana ġabret għall-Gvern aktar minn €447 miljun, l-aktar mit-taxxa tas-Sisa u tal-Vat kif ukoll mid-dazju fuq l-oġġetti impurtati. Iż-żieda fl-attività ekonomika fil-pajjiż irrendiet lid-Dwana żieda ta’ €20 miljun aktar mill-2017.

Is-sena l-oħra d-Dwana qabdet diversi oġġetti li daħlu Malta bil-kutrabandu li fuqhom ma tkunx tħalset it-taxxa dovuta li tista tkun dazju, sisa u vat. F’każi bħal dawn jittieħdu passi kemm amminsitrattivi kif ukoll legali. L-oġġetti li jinqabdu mid-Dwana għax ikunu daħlu bil-kutrabandu eventwalment jiġu irkantati mid-dwana li tara li fil-prezz jinġabru wkoll it-taxxi dovuti għall-Gvern kif spjega David Brydon – l-uffiċjal inkarigat mill-irkantijiet tad-Dwana.

David qal “l-aktar oġġetti rkantati dan l-aħħar żmien huma l-prodotti alkoħoliċi – xorb alkoħoliku, inbejjed. Dawn huma l-iktar affarjiet li jinqabdu – ovvja, għax huma fost l-aktar li għandhom taxxi fuqhom u allura min irid jagħmel xi ħaga jittarġitja dawn l-affarjiet.”

George Agius, manager fid-Dipartiment tad-Dwana, qal li d-Dwana ma tirkantax il-prodotti li taqbad li jirriżulta li huma foloz li ħafna drabi fuqhom ikun hemm proċeduri legali. Qal li is-sena l-oħra nqabdu 44 miljun prodott b’marki foloz.

George Agius qal “naqbdu affarjiet li ma nkunux nistgħu nirkantaw b’mod speċjali oġġetti foloz peress li r-rappreżentat legali tad-ditta li tkun involuta, jittieħdu passi fil-Qorti Ċivili u dejjem insegwu u jigi ordnat li jigi distrutt kollox.”

Is-Sur Agius spjega li ħafna minn dawn il-prodotti ma jkunux għas-suq lokali iżda jieqfu fil-Port Ħieles fi triqthom lejn pajjiżi oħra.

George Agius qal “aħna ninsabu f’nofs il-Mediterran qrib ħafna tal-kontinent Afrikan li huwa popolari ħafna ma’ dawk li jridu jbigħu kontrafazzjoni – voldieri hemmhekk il-qabdiet il-kbar.” Is-Sur Agius qal li meta tinstab id-droga, din tinqered b’ordni tal-Qorti.

Aħbarijiet Oħra
Edukazzjoni

Sittin tifel u tifla mill-iskejjel primarji tal-istat ta’ Malta u Għawdex ħadu sehem f’attività tal-Brillantini tal-Kitba li l-Aġenzija Nazzjonali tal-Litteriżmu organizzat f’Ruma. Permezz tal-iskema ‘Brillantini tal-Kitba’, tfal ta’ disa’ snin,…

Tfal

Il-Prim Ministru, Joseph Muscat, qal li l-Gvern se jressaq emendi fil-liġi tal-addozzjonijiet biex it-tfal addottati jieħdu ċ-ċittadinanza Maltija awtomatikament meta jiġu addottati minn koppji Maltin. Waqt li indirizza l-ewwel konferenza…

Infrastruttura

Fid-dawl tal-inċident li seħħ jumejn ilu f’Gwardamangia, fejn waqgħet blokka appartamenti u ċediet ukoll dar, il-ġeoloġista Dr Peter Gatt qal li l-bini f’Malta se jibqa’ jitfarrak u jiġġarraf. Dr Gatt…

Aktar