Lokali
Ifakkru lil Jerome billi jtaffu ftit mit-tbatija ta’ pazjenti bil-kanċer

Il-Fondazzjoni Smiling with Jerome nediet inizjattiva sabiex tgħin lil pazjenti li qed jirkupraw mit-trattament tal-kimoterapija fl-Isptar tal-Onkoloġija.

Sentejn wara mewtu l-legat taż-żagħżugħ Jerome Frendo għadu jħalli l-frott. Il-Fondazzjoni li twaqqfet għall-memorja tiegħu nediet inizjattiva biex tgħin pazjenti milquta mill-marda tal-kanċer u qasmet basktijiet b’kutri, fliexken tal-ilma, ingwent għax-xufftejn u kotba tat-tislibiet lil pazjenti.

Ma’ Television Malta is-Sinjura Josette Frendo spjegat li kull basket jiswa 25 ewro u qalet li tixtieq li dawn il-basktijiet jibqgħu jitqassmu lil pazjenti s-sena kollha, u mhux fil-perjodu tal-Milied biss.

“Nixtiequ li jkun hawn xi kumpaniji li jgħinuna. Għandna kollox fil-website tagħna, www.smilingwithjerome.com jew fil-Facebook page tagħna, smiling with Jerome,” qalet is-Sinjura Frendo.

Is-Sinjura Bernice Scicluna, infermiera fl-Isptar tal-Onkoloġija qalet li l-oġġetti f’dan il-basket ta’ tama se jgħinu l-pazjenti jtaffu xi s-sitwazzjoni medika. “Nixtiequ li NGO’s oħra jieħdu inizjattiva bħalhom u bħal dejjem nittrataw mhux bis s il-pazjent iżda l-pazjent b’mod olistiku.”

Is-sinjura Scicluna qalet li wħud mill-oġġetti fil-basktijiet tat-tama joffru terapija alternattiva għall-pazjent sabiex jaljenaw ruħhom mill-effetti tal-kimoterapija.

Aħbarijiet Oħra
Politika

Mark Anthony Sammut, li kien qed jissemma bħala kandidat għall-elezzjoni ta’ Kap tal-Partit Nazzjonalista, ħabbar li mhuwiex se jikkontesta għal din il-kariga. Fuq Facebook, Mark Anthony Sammut kiteb illi huwa…

Politika

Il-Membru Parlamentari Therese Comodini Cachia ħabbret li mhux se tikkontesta għat-tmexxija tal-Partit Nazzjonalista. F’kitba fuq il-mezzi soċjali, Dr Comodini Cachia qalet li filwaqt li tinsab konvinta li l-PN għandu bżonn…

COVID-19

Is-Supretendent għas-Saħħa, il-Professur Charmaine Gauci mistennija tindirizza konferenza stampa dwar is-sitwazzjoni tal-Covid-19 f’Malta fis-13:00. Mil-lum, il-Professur Gauci se tibda mill-ġdid tagħti lill-pubbliku rendikont tal-imxija f’pajjiżna kull nhar ta’ Ġimgħa.

Lokali

Il-Prim Ministru Robert Abela u d-Deputat Prim Ministru Chris Fearne mistennija jindirizzaw aġġornament tal-aħbarijiet dwar il-laqgħa u r-riżultati miksuba mal-MCESD. L-aġġornament se jixxandar fuq tvm, tvm.com.mt u l-paġna facebook ta’…

Aktar