Lokali
Ifakkru s-suldati Awstraljani u minn New Zealand li tilfu ħajjiethom fl-Ewwel Gwerra Dinjija

Mumenti ta’ ġabra spikkaw fiċ-Ċimiterju Militari f’Tal-Pietà waqt it-tifkira għall-eluf ta’ suldati Awstraljani u minn New Zealand li tilfu ħajjiethom biex jiddefendu l-ħelsien fil-battalja ta’ Gallipoli fl-Ewwel Gwerra Dinjija li wħud minnhom indifnu f’dan iċ-ċimiterju.Waqt din iċ-ċerimonja tpoġġew fjuri f’riġlejn il-monument li jfakkar lil dawn il-vittmi.

Madwar 56,000 suldat tilfu ħajjiethom fil-battalja qalila ta’ Gallipoli li bdiet fil-25 ta’ April tal-1915 kontra l-Imperu Ottoman li kien lest bi ħġaru għall-alleati li riedu jieħdu taħt idejhom Costantinopli u r-rotta bil-baħar li minnha kienu jaslu l-provisti.

Il-qawwiet alleati kienu jinkludu fost oħrajn suldati Awstraljani u minn New Zealand li tqatlu f’din il-battalja epika li damet għaddejja tmien xhur. Il-vittmi tal-battalja baqgħu jitfakkru kull sena b’solenità fl-Awstralja u f’New Zealand f’Jum l-ANZAC.

Fiċ-ċerimonja organizzata mill-Kummissjoni Għolja tal-Awstralja f’Malta fiċ-Ċimiterju Militari f’Tal-Pietà, il-President George Vella flimkien mal-Kummissarju Għoli Awstraljana Julienne Hince poġġew il-fjuri fuq il-monument tal-vittmi. Warajhom għadd ta’ dinjitarji mill-qasam politiku u diplomatiċi, rapprezentanti ta’ għaqdiet u assoċjazzjonijiet flimkien mal-membri tal-pubbliku.

Iċ-ċerimonja ta’ tifkira ntemmet bid-daqq tal-innijiet nazzjonali tal-Awstralja, ta’ New Zealand u ta’ Malta.

Aħbarijiet Oħra
Lokali

Il-Gvern fi stqarrija ċaħad rapporti li xxandru fuq mezzi oħrajn tax-xandir u li anke ġew kwotati minn xi membri tal-Oppożizzjoni, dwar żidiet fil-pagi tal-membri tal-Kabinett. Fl-istqarrija l-Gvern qal li dawn…

Għawdex

Ċifri li kiseb TVM juru li nhar Santa Marija, il-kumpanija Gozo Channel operat mad-90 vjaġġ, żieda ta’ 14-il vjaġġ fuq l-istess jum is-sena l-oħra. B’kollox nhar il-Ħamis qasmu lejn Għawdex…

Qorti

Żewġ żgħażagħ Ingliżi li m’għandhomx residenza fissa f’Malta, tressqu l-Qorti akkużati b’pussess ta’ droga li nstabet f’ċirkostanzi li ma kinetx għall-użu esklussiv tagħhom. L-ispettur Anthony Scerri ppreżenta bħala evidenza kważi…

Aktar