Mużika
Joseph Calleja b’inizjattivi biex tfal u żgħażagħ jagħmlu suċċess bit-talent

It-tenur Joseph Calleja kiseb fama dinija bit-talent tiegħu. Permezz tal-Fondazzjoni tiegħu qed jistinka biex artisti żgħażagħ ma jintiflux minħabba li m’għandhomx il-mezzi biex ikattru t-talent tagħhom filwaqt li qed iqarreb il-mużika lejn eluf ta’ tfal żvantaġġati. Għal dan il-għan qed iħejji għal kunċert biex jinġabru fondi għall-Fondazzjoni BOV Joseph Calleja.

F’ħames snin kemm ilha mwaqqfa, il-fondazzjoni tat-tenur Joseph Calleja laħqet ‘il fuq minn elfejn tifel u tifla żvantaġġati jiskopru l-ġmiel tal-mużika permezz ta’ diversi programmi kulturali. Il-Fondazzjoni Bank Of Valletta Joseph Calleja, li twaqqfet bil-ħsieb li tgħin talent lokali jkompli jiżviluppa għenet artisti żgħażagħ biex ikattru t-talent tagħhom. Fosthom Marvic Monreal u Nicola Said.

Il-fondazzjoni għenet ukoll liż-żagħżugħ Charles Buttigieg, li għalkemm għad għandu biss 20 sena ngħata borża ta’ studju u ġie aċċettat f’Curtis Institute f’Philadelphia.

It-Tenur Joseph Calleja qal “ilna nsegwuh għal iktar minn erba’ snin issa u għennieh ħafna affarijiet f’ħajtu u din hija ħaġa kbira għax mingħajr ma rrid nibnih ħafna, però l-fatt li ġie aċċettat fil-Curtis Institute – ir-rata ta’ aċċettazzjoni ta’ studenti huwa biss ta’ madwar 3.2 fil-mija jiġifieri huwa eħfef tidħol f’Harvard, Stanford jew f’ Yale milli tdħol f’Curtis Institute.”

Bil-għan li l-Fondazzjoni tkompli tgħin talenti żgħażagħ bħal dawn, Joseph Calleja qed iħejji għall-kunċert li se jagħti fit-Teatru Manoel.

”Ikkonvinċejt lis-soparno Jessica Pratt, lill-baritonu Vittorio Vitelli u l-conductor/vjolinista David Chan tal-Metropolitan Opera, li jiġu u jipperformjaw b’xejn għall-kunċert. Jiġifieri l-fondi kollha ħa jmorru għall-fondazzjoni. Fondazzjoni li qed tagħmel ħafna ġid” kompla jgħid it-Tenur Joseph Calleja.

L-2018 kienet sena impenjattiva għat-tenur Malti, li bdiet bit-Tosca f’Covent Garden, u għadd ta’ kunċerti u opri li ħaduh f’diversi pajjiżi Ewropej u fl-Istati Uniti. F’intervista ma’ TVM, Joseph Calleja qal li s-sena d-dieħla mistenni jilħaq il-mitt wirja tiegħu.

“Irrid naħdem u nistinka ħafna biex nibqa’ fil-livell li qiegħed fih però grazzi għall-ħanin Alla li l-affarijiet sejrin tajjeb ħafna” qal Calleja.

Il-kunċert annwali tas-sajf ta’ Joseph Calleja sar appuntament annwali mal-udjenza Maltija u l-mistieden għall-kunċert tas-sena dieħla huwa għal darb’ohra t-tenur Andrea Bocelli.

”Nista’ ngħid li sirna ħbieb f’dan il-perjodu u kien hu proprja li esprima r-rieda li jiġi Malta għal kunċert ieħor” qal it-Tenur Calleja.

Sa mill-bidu tal-karriera tiegħu 21 sena ilu, Joseph Calleja ġar it-titlu ta’ ambaxxatur ta’ Malta. . . ferm qabel ma’ nħatar l-ewwel ambaxxatur kulturali Malti.

“Il-kritiċi internazzjonali minn dejjem kienu jgħiduli The Maltese Tenor fil-fatt anke d-diska tal-label tiegħi kienet għoġbithom dik il-frazi u anke għamluh album id-Decca records” tenn jgħid Joseph Calleja.

Aħbarijiet Oħra
Konsumatur

L-Awtorità ta’ Malta għall-Kompetizzjoni u għall-Affarijiet tal-Konsumatur wissiet lill-pubbliku biex ma jikolx il-prodott ‘Ful imqaxxar’ tad-ditta ‘Mill-Kċina taz-Zija’ li jinstab f’pakketti ta’ 450g. Il-lott tal-prodott huwa CA26419 u għandu d-data ta’…

Qorti

L-Avukat Edward Gatt qal li meta tingħata maħfra Presidenzjali, qatt ma jista’ jkun hemm serħan il-moħħ totali, iżda mingħajr maħfra jista’ jkun li qatt ma jkun hemm żblokk biex il-prosekuzzjoni…

Ekonomija u Finanzi

Bejn illum u l-Ħamis qed jitlaqqa’ f’Malta l-forum dinji dwar il-kannabis mediċinali. Illejla indirizza l-forum il-Prim Ministru Joseph Muscat, li ta ħjiel dwar dak li Malta qed tistenni minn din…

Ekonomija u Finanzi

Rudolph Psaila huwa ċ-Chairman il-ġdid ta’ FinanceMalta; entità pubblika-privata ta’ mwaqqfa biex tippromwovi lil Malta bħala ċentru finanzjarju internazzjonali. Il-ħatra tas-Sur Psaila, minflok is-Sur Kenneth Farrugia li kien ilu tmien…

Aktar