Infrastruttura
Ikissru l-bankina u jarmu fil-wied – it-terrapien mistenni jinġabar

Filmat li wasal għand TVM ftit tal-jiem ilu juri ħaddiema ta’ kuntrattur jagħmlu xi xogħlijiet fi Triq il-Marfa fil-Mellieħa. Fil-filmat, li nġibed nhar il-Ġimgħa li għadda, il-ħaddiema jidhru jkissru l-bankina u jwaddbu t-terrapien fil-wied li hemm biswitha.

Dwar din is-sitwazzjoni TVM talab kjarifika mingħand Infrastructure Malta, li min-naħa tagħha spjegat li hawn qed isir xogħol ta’ katusi ġodda li jiġbru l-ilma tat-triq biex ikun evitat l-għargħar.

Kelliem għal Infrastructure Malta qal li l-awtorità kienet tkellmet mal-kuntrattur dwar dak li jidher fil-filmat, fejn dan spjega li l-materjal qed jinżamm mal-ġenb tat-triq biex jinġabar f’daqqa lejn tmiem il-ġimgħa.

L-istess kelliem qal li Infrastructure Malta talbet lill-kuntrattur jiżgura li ma jħalli l-ebda materjal fil-ġenb tat-triq, u li meta jitlesta x-xogħol kienet se ssir spezzjoni, biex fil-każ ta’ xi nuqqas, il-kuntrattur jintalab jieħu azzjoni.

Ix-xogħol biex tinbena mill-ġdid Triq il-Marfa, li hija twila 1.4 kilometri, beda xahar ilu. Infrastructure Malta qalet li, jekk it-temp jippermetti, din it-triq se tkun kważi lesta kollha qabel l-aħħar ta’ Mejju.

Aħbarijiet Oħra
Lokali

Fi tmiem laqgħa mqanqla tal-eżekuttiv tal-Partit Nazzjonalista li intemmet għall-ħabta tal-11.10pm., il-Kap tal-Partit Adrian Delia qal li hu għamel 10 proposti dwar it-tibdiliet li jeħtieġ il-Partit biex jimxi ‘il quddiem….

Politika Lokali

Fi tmiem il-laqgħa tal-Eżekuttiv tal-Partit Nazzjonalista li ltaqa’ t-Tnejn filgħaxija, b’post fuq facebook, Pierre Portelli ħabbar li kien qiegħed jirriżenja minn Chairman Eżekuttiv tal-kumpanija tal-media tal-Partit Nazzjonalista. Hu qal li…

Sport

Il-klabb akwatiku ta’ Birżebbuġa beda inizjattiva bil-kollaborazzjoni tal-awtoritajiet edukattivi biex iħajjar aktar studenti jibdew jipprattikaw l-għawm jew il-waterpolo. Studenti mill-iskejjel fin-naħa t’isfel ta’ Malta qed jibbenefikaw minn din l-inizjattiva, waqt…

Saħħa

Għall-ewwel darba l-Isptar Mater Dei nbidel f’ċentru ta’ eċċellenza hekk kif kardjoloġisti mill-aqwa sptarijiet ġew Malta biex jaraw kif jistgħu japplikaw sistema ġdida li biha l-kura lill-pazjent qed tingħata b’aktar…

Aktar