Qorti
Ikkumpensat wara li ttajjar meta kien qed isuq mutur bla liċenzja

Raġel li kien qed isuq mutur bla liċenzja meta ntlaqat minn karozza, xorta waħda kien ikkumpensat għad-diżabbiltà li sofra kawża tal-inċident.

Massimo Bonello ta’ 45 sena fetaħ kawża quddiem il-Qorti Ċivili b’rabta ma’ inċident li seħħ f’Ġunju 2013 f’Ħal Tarxien. Bonello kien qed isuq mutur tat-tip Kawasaki ZX10 meta ntlaqat minn karozza Volkswagen Passat misjuqa minn Glenn Spiteri ta’ 30 sena.

Bonello sostna li Spiteri kien baqa’ ħiereġ minn fuq Stop Sign u laqtu, filwaqt li Spiteri saħaq li ma kienx mess il-mutur, u li Spiteri kien skiddja waħdu meta nħasad.

Il-Qorti, ippreseduta mill-Imħallef Lawrence Mintoff, ikkunsidrat li l-provi iktar kienu jsostnu l-verżjoni ta’ Bonello. Il-Qorti qalet li l-ġrieħi li sofra Bonello kienu jindikaw il-gravità tal-inċident, fejn dan kien baqa’ b’diżabbiltà ta’ 20% f’irkopptu, u kellu jqatta’ sentejn u nofs f’siġġu tar-roti.

Minkejja li meta seħħ l-inċident Bonello kien qed jirreġistra għax-xogħol, il-Qorti qieset li dan kien xorta waħda laħaq ħadem għal diversi snin. Għalhekk, abbażi tal-paga minima, il-Qorti ordnat lil Spiteri jikkumpensah €32,537.

Aħbarijiet Oħra
Għawdex

F’Għawdex tnieda servizz ta’ emerġenza ġdid għall-pubbliku li se jopera wara l-ħinijiet tal-uffiċċju, fi tmiem il-ġimgħa kif ukoll fil-btajjel pubbliċi. Dan is-servizz, li beda fuq inizjattiva tal-fergħa Għawdxija tal-Fondazzjoni għal…

Annimali

F’dan iż-żmien tas-sena ħafna jsibu ħin biex jagħmlu atti ta’ imħabba jew solidarjetà mal-oħrajn. Artista Franċiża li tgħix Malta ddeċidiet li ttella’ wirja b’pitturi biex bil-flus li tiġbor mill-bejgħ tagħhom,…

Mużika

Il-kunċert tal-President għas-Sena l-Ġdida se jżomm mat-tradizzjoni u jsir fl-Epifanija fis-6 ta’ Jannar f’Dar il-Mediterran għall-konferenzi l-Belt. Il-kunċert b’kollaborazzjoni ma’ Festival Malta u l-Orkestra Filarmonika ta’ Malta se jsir b’risq…

Aktar