Barranin
Ikkundannat għomru l-ħabs wara li abbuża 11-il mara u tfal fir-Renju Unit

Raġel fir-Renju Unit li f’temp ta’ ġimagħtejn attakka sesswalment ħdax-il persuna, fosthom anzjana u numru ta’ tfal, kien ikkundannat għomru l-ħabs għal 33 darba.

Joseph Mc Cann ta’ 35 sena kien magħruf sew mal-Pulizija, tant li fl-1998 kien fost l-ewwel tfal li rċevew kundanna mill-Qorti, wara li maż-żewġ ħutu nstab ħati għal sensiela ta’ serqiet fil-komunità f’Manchester li kien jgħix fiha.

Huwa ssokkta b’ħajja kriminali u kien qed iservi sentenza ta’ ħabs fuq serq, iżda fi Frar li għadda nħeles kmieni wara li sar żball amministrattiv mill-uffiċċju tal-probation.

Hekk kif inħeles beda b’sensiela ta’ stupri u attakki, fil-maġġoranza tagħhom fuq nisa jew tfal li ħataf mit-triq. Iktar minn darba ħataf żewġ vittmi minn postijiet separati u żammhom flimkien fil-karozza, fejn kien jistuprahom.

Fost il-vittmi kien hemm anzjana ta’ 71 sena, tifel ta’ 11-il sena u oħtu ta’ 17, b’din tal-aħħar jirnexxielha taħrab għarwiena minn tieqa u ssejjaħ għall-għajnuna.

L-Imħallef li ssentenzja lil Mc Cann qal li ma kienx hemm dubju li dan kien theddida għat-tfal u pedofelu, waqt li talab investigazzjoni dwar kif l-istituzzjonijiet kienu naqsu milli jipproteġu lill-vittmi.

Aħbarijiet Oħra
Barranin

Dimostrant ieħor tilef ħajtu f’Belarus waqt li kien qed jinżamm mill-Pulizija. Din hija t-tieni fatalità min-nhar il-Ħadd li għadda, meta dimostranti bdew jipprotestaw fit-toroq. Dawn il-protesti dwar l-elezzjoni presidenzjali tal-pajjiż…

Barranin

Il-musical dwar il-Prinċipessa Diana se jidher fuq Netflix is-sena d-dieħla qabel ma jiddebutta fi Broadway. Dan wara li kellha tittieħed id-deċiżjoni fi sfond tar-restrizzjonijiet imposti minħabba l-imxija tal-Covid-19. Il-musical kellha…

Barranin

Fl-Istati Uniti, il-kandidat presidenzjali Demokratiku Joe Biden u l-viċi tiegħu Kamala Harris attakkaw lill-President Amerikan Donald Trump billi qalu li huwa mexxej inkompetenti u li ħalla l-pajjiż jitkisser biċċa biċċa….

Barranin

Fl-Ingilterra sar dak li qed jissejjaħ l-ewwel kunċert biż-żamma tad-distanza soċjali hekk kif il-kantant Sam Fender xorta waħda saħħar lill-pubbliku minkejja l-pandemija tal-Covid-19. Il-kunċert sar fl-apert f’Newcastle fejn il-persuni li…

Aktar