Lokali
Iktar pazjenti Maltin biċ-ċans li jagħmlu trapjanti fl-Italja

Din il-ġimgħa ġie ffirmat ftehim bejn il-Ministeru għas-Saħħa u l-Istituto Mediterraneo per i trapianti e terapie ad alta specilalizzazione (ISMETT).  Dan il-ftehim se jwassal biex aktar pazjenti Maltin jingħataw kura f’ċentri speċjalizzati fl-Italja.

Fi stqarrija maħruġa mill-Ministeru tas-Saħħa ntqal li matul is-snin li għaddew kien hemm erba’ Maltin li saritilhom operazzjoni għal trapjant tal-pulmun fiċ-ċentru tal-ISMETT f’Palermo. Permezz tal-ftehim iffirmat, din il-ġimgħa l-ISMETT se jkun qiegħed jassisti pazjenti Maltin f’każijiet ta’ trapjanti tal-pulmun, trapjanti tal-fwied, u trapjanti tal-kliewi.  Il-ftehim iffirmat jitratta wkoll taħriġ speċjalizzat għal professjonisti Maltin f’diversi oqsma, fosthom dak tal-implantazzjoni tal-qalb, tal-kliewi u l-frixa.

Il-ftehim min-naħa ta’ Malta ġie ffirmat mid-Deputat Prim Ministru u Ministru għas-Saħħa Chris Fearne, li qal li b’kollaborazzjonijiet ma’ ċentru bħall-ISMETT, il-pazjenti Maltin qegħdin jingħataw l-aqwa trattament possibbli.

Aħbarijiet Oħra
Kultura

Kważi 70 membru tal-iscouts li ġejjin minn tliet pajjiżi ħadu sehem fi programm kulturali li fethilhom tieqa fuq kulturi differenti. Il-programm kien organizzat mill-assoċjazzjoni tal-iscouts u fih ħadu sehem membri…

Annimali

L-Enemalta dal-lejl kellha taqta’ l-elettriku minn cables viċin Popeye Village biex membri tal-Protezzjoni Ċivili jkunu jistgħu jneħħu bla periklu fjamingu li nqabad fil-wires. Il-Protezzjoni Ċivili qalet li l-fjamingu weħel f’wires…

Gazzetti

Din hija ħarsa ħafifa lejn il-gazzetti ppubblikati llum il-Ħadd 19 t’ Awwissu 2018: Fl-ewwel paġna ta’ The Sunday Times of Malta insibu ritratt tal-funeral statali li sar ilbieraħ f’Genova għall-vittmi…

Aktar