Partit Nazzjonalista
“Ikun xi jkun ir-riżultat tal-elezzjonijiet il-PN kommess li jaħdem aktar qalb in-nies” – Adrian Delia

Il-Kap tal-Oppożizzjoni u tal-Partit Nazzjonalista Adrian Delia qal li jkun xi jkun ir-riżultat tal-elezzjonijiet tal-Parlament Ewropew u l-Kunsilli Lokali, huwa u sħabu kommessi li jaħdmu aktar qalb in-nies li mhux igawdu mill-ġid li qed jinħoloq.

F’attività politika f’għeluq il-kampanja elettorali bis-slogan Flimkien Għal Pajjiżna quddiem id-Dar Ċentrali f’Tal-Pieta’, Dr Delia qal li dan il-Gvern ma jirrikonoxxix l-iżbalji tiegħu. Qal li kull partit jagħmel l-iżbalji tiegħu u talab skuża lil dawk kollha li l-Partit Nazzjonalista weġġa’, nesa, warrab jew ma rċievewx rimedji wara li sofrew l-inġustizzji. Qal li l-Partit Nazzjonalista kien lest li jerġa jinbena u jsir il-partit li jisħoqqlu r-rispett.

Il-Kap Nazzjonalista qal li huwa kburi li l-partit huwa wieħed u magħqud. Qal li l-wiegħda tiegħu hija li l-partit jibqa’ jfittex li jifhem id-diffikultajiet tan-nies. Ħeġġeġ lill-pubbliku biex jersaq ‘il quddiem bil-proposti u qal li jrid Partit Nazzjonalista żagħżugħ.

Dr Delia appella lill-poplu biex fl-elezzjonijiet ta’ nhar is-Sibt jagħti risposta għall-arroganza tal-Gvern biex ibiddel l-attitudni u d-direzzjoni li qabad. Huwa qal li vot għas-Soċjalisti jkun ifisser vot għal partit li jappoġġja lis-Soċjalisti Ewropej biex jintroduċu l-armonizzazzjoni tat-taxxa u d-dritt tal-abort.

Dr Delia qal li ma jridx lill-poplu jkun miegħu iżda qal li hu, il-kandidati u l-Ewroparlamentari ser ikunu mal-poplu. Qal li l-politika mhix minn fuq għal isfel, iżda minn isfel għal. Qal li għall-kuntrarju l-Partit Laburista jdur ma’ persuna waħda iżda l-politika mhix persuna waħda.

Il-Kap Nazzjonalista qal li l-Gvern qed jibqa’ jinjora rapporti dwar Malta li saru mill-Kunsill tal-Ewropea, il-Kummissjoni Ewropea, il-Moneyval, il-Greco u l-Kummissjoni Venezja bil-Prim Ministru qed isib l-iskużi biex jiġġustifika ħidmet l-istituzzjonijiet Maltin.

Dr Delia ddeskriva lill-Partit Nazzjonalista bħala l-partit tad-demokrazija u tal-Ewropa u li jiddefendi l-valuri u l-morali. Għall-kuntrarju, Dr Delia qal li l-Gvern Soċjalista qed joħloq stat bla ruħ. Ħeġġeġ lill-politiċi biex iġelldu l-ideat ħalli l-poplu jirbaħ u mhux iġelldu għajn m’għajn – sinna u sinna.

Aħbarijiet Oħra
Budget

Il-Prim Ministru Joseph Muscat qal li r-regoli Ewropej ma jippermettux lil Malta biex tagħmel kontrolli estensivi fil-fruntiera. Huwa rrikonoxxa l-kompetizzjoni inġusta li qed jesperjenzaw in-negozji ż-żgħar minħabba kuntrabandu li jidħol…

Immigrazzjoni

Il-vapur Ocean Viking, operat mill-għaqdiet mhux governattivi SOS Medieranee u Medecins Sans Frontieres, salva 36 immigrant ieħor minn fuq dgħajsa tal-injam li kienet f’diffikultà fl-ibħra Maltin. Kelliema għall-Forzi Armati qalet…

Qorti

Immigrant żagħżugħ ta’ 16-il sena li gidem uffiċjal tad-detenzjoni hekk kif prova jaħrab miċ-ċentru ta’ detenzjoni f’Ħal Safi jumejn ilu baqa’ miżmum arrestat. Iż-żagħżugħ irnexxielu jiddendel mal-fence taċ-ċentru tad-detenzjoni u…

Kostruzzjoni

Il-President tal-għaqda tal-iżvilupatturi Sandro Chetcuti ikkundana mingħajr tlaqliq ir-rimi ta’ skart tal-kostruzzjoni f’ambjent naturali u fil-wied tal-Imġarr. Huwa qal li l-MDA għandha ħjiel ta’ minn rema l-iskart tal-kostruzzjoni f’wied fl-Imġarr…

Aktar