Infrastruttura
Il-bajja tal-Balluta tingħalaq temporanjament wara l-ħsara li għamel il-maltemp

Il-bajja tal-Balluta ngħalqet temporanjament sakemm isir il-monitoraġġ meħtieġ wara li l-maltemp u x-xita fl-aħħar jiem ferqet ir-ramel u dan spiċċa lura fil-baħar.

Fi stqarrija l-Awtorità Maltija għat-Turiżmu qalet li flimkien mal-Ministeru għat-Turiżmu kienet qed tosserva l-movimenti tal-ilma madwar il-bajja tal-Balluta biex tara kif il-proġett tar-riġenerazzjoni tal-bajja jkun jista’ jibqa’ għaddej.

Intqal li dan il-progett kien wieħed esperimentali biex eventwalment jinstab l-aħjar mod kif din il-bajja tkun riġenerata fi xtajta ramlija. Intqal li l-għan tax-xogħol f’din il-bajja kien li jiġi studjat kemm huwa b’saħħtu r-ramel f’qiegħ il-baħar f’din il-bajja biex jittella’ u jintuża fuq ix-xatt.

Minħabba li l-istaġun tal-għawm għadu ma ntemmx, l-Awtorità Maltija għat-Turiżmu se terġa’ ttella’ r-ramel fil-qasmiet li għamel l-ilma fix-xatt. Qalet li minkejja ċ-ċaqlieq tar-ramel fil-bajja għad hemm ammont sostanzjali ta’ ramel li jindika kemm dan il-proġett bi prova kien effettiv u offra post ramli għall-għawm f’din il-lokalità turistika ewlenija matul is-sajf.

Aħbarijiet Oħra
Kunsilli Lokali

Il-Partit Nazzjonalista ħabbar li Michael Fenech Adami, li ġie elett fl-elezzjoni tal-Kunsilli Lokali, mhux se jkun qed jieħu postu fil-kunsill ta’ Birkirkara. Fi stqarrija l-Partit Nazzjonalista qal li s-Sur Fenech…

Xogħol

L-iskema ta’ xogħol fil-komunità li bdiet fl-2016 kienet taħt il-lenti tal-Awditur Ġenerali li f’rapport li ippreżenta lill-Ispeaker ta ċertifikat pjuttost tajjeb lill-iskema għalkemm iħeġġeġ lill-entitajiet governattivi involuti biex itejjbu l-moniteraġġ…

Ambjent

Malta, flimkien ma’ 8 pajjiżi oħra tal-Unjoni Ewropea u żewġ stati assoċjati, se tkun qed tnaddaf il-bajjiet tagħha f’dak li dak jissejjaħ bħala l-Blue Mediterranean Clean-Up Week. Fl-ewwel ġimgħa ta’…

Blockchain

Erba’ xhur wara li Malta saret l-ewwel pajjiż fid-dinja li użat is-sistema tal-blockchain fil-ħruġ taċ-ċertifikati għall-istudenti, it-teknoloġija tal-blockchain se tibda tintuża għal kuntratti tal-kirjiet, meta fil-jiem li ġejjin se tkun…

Aktar