Barranin
Il-Bank Dinji jgħid li 60 miljun se jaqgħu f’faqar estrem bil-Covid-19

Il-Bank Dinji qed iwissi li sa 60 miljun persuna se jispiċċaw f’faqar estrem kaġun tal-coronavirus.

Jekk dan iseħħ, ikun ifisser it-telf tal-progress kollu li sar fl-aħħar tliet snin biex jonqos il-faqar.

Dan qalu l-President tal-Bank Dinji, David Malpass, li stqarr li l-bank qed jistenna li t-tkabbir ekonomiku globali jiċkien b’5% din is-sena.

Qal li miljuni ta’ persuni diġà tilfu ħobżhom u s-sistemi tas-saħħa jinsabu taħt pressjoni.

Għall-Bank Dinji, persuni f’faqar estrem huma dawk li jaqilgħu inqas minn €1.74 kuljum.