Il-Birdlife tallega li l-Pulizija ċemplu lill-FKNK biex jistaqsu dwar Packham

Id-Direttur Eżekuttiv ta’ Birdlife Malta allega li membri tal-Pulizija ċemplu lil Federazzjoni Kaċċaturi, Nassaba Konservazzjonisti biex jistaqsu kif kienu se jipproċedu meta l-preżentatur tal-BBC, Chris Packham, kien ffaċċjat minn kaċċaturi fil-Miżieb. Il-Birdlife tat ir-reazzjoni tagħha dwar l-andament tal-kaċċa fl-istaġun li għadu kemm intemm.

Fir-Riżerva Naturali tas-Simar fix-Xemxija, il-membri tal-Birdlife wrew lill-ġurnalisti filmat li juru uffiċjal tal-pulizija miexi lejn il-Miżieb waqt li l-preżentatur tal-BBC Chris Packham kien qed jiffilmja fiż-żona.  Il-Birdlife qed tallega li l-uffiċjal tal-pulizija tfaċċa f’temp ta’ ftit minuti u li ċempel lill-FKNK biex jistaqsihom kif kellhom jipproċedu.

Id-Direttur Eżekuttiv ta’ Birdlife Malta, Steve Micklewright, staqsa jekk kinetx kumbinazzjoni li l-uffiċjal tal-pulizija wasal daqshekk malajr meta s-soltu qalu li jdumu jistennew medja ta’ siegħa biex tasal l-assistenza mill-pulizija.

L-uffiċjali tal-Birdlife allegaw li sitt volontiera tagħha qed jiffaċċjaw akkużi għal-libell kriminali minħabba stqarrijiet li għamlu fil-media.  Qalu li l-kummissarju dwar il-protezzjoni tad-data talab lil Birdlife biex tħallas multa talli intwerew filmati tal-kaccaturi. Il-Birdlife qalet li se tappella minn  din id-deċiżjoni.

Is-sur Micklewright qal li l-awtoritajiet għamlu l-almu tagħhom biex iżidu l-infurzar u mad-69 uffiċjal kienu qed iwettqu monitoraġġ tas-sitwazzjoni. Qal li jistmaw li dan sewa mija u erbgħa u sebgħin elf ewro; kważi 11-il ewro għal kull għasfur li seta’ jinqatel.

Uffiċjali tal-Birdlife qalu li kkuraw 18-il għasfur protett tul l-istaġun u żewġ għasafar oħra li ndarbu qabel ma fetaħ l-istaġun.

Qalu li dan in-numru huwa ferm aktar għoli minn meta l-istaġun tal-kaċċa kien ingħalaq wara deċiżjoni tal-Qorti Ewropea għall-ġustizzja bejn l-2008 u l-2010.

Aħbarijiet Oħra
Edukazzjoni

Infetħu l-applikazzjonijiet għal dawk li għandhom skola jew klabb u jixtiequ joffru programm edukattiv għal tfal ta’ bejn it-3 u 16-il sena matul is-sajf. Il-Ministeru għall-Edukazzjoni u x-Xogħol ħeġġeġ lil…

Politika

Id-deputat Nazzjonalista Marthese Portelli rriżenjat minn Membru Parlamentari. Hija ħabbret dan fuq il-midja soċjali, fejn qalet li bid-deċiżjoni tagħha infurmat lill-Ispeaker tal-Kamra. “Il-politika għandha tintuża biss biex jitkattar il-ġid komuni….

Edukazzjoni

In-nuqqas ta’ ilma f’żewġ skejjel tal-gvern f’Raħal Ġdid wasal biex il-union tal-għalliema, l-MUT ħarġet direttiva lill-edukaturi kollha fiż-żewġ skejjel primarji ta’ Raħal Ġdid biex minn għada ma jirrapurtawx għax-xogħol fiż-żewg…

Politika

L-Assoċjazzjoni ta’ Min Iħaddem appellat lill-Prim Ministru Robert Abela biex jintervjeni ħalli jiżgura li l-kumpaniji lokali kollha fl-industrija tal-films ma jkunux diskriminati u żvantaġġjati. L-Assoċjazzjoni għamlet dan l-appell wara li…

Aktar