Kisbiet
Il-BNF Bank jingħata l-premju ‘Best Innovation in Retail Banking Malta 2018’

L-analista globali tal-industrija finanzarja u r-rivista International Banker għażel lil BNF Bank għall-premju Best Innovation in Retail Banking Malta 2018.

Il-premju hu wieħed minn numru li jirrikonoxxi organizzazzjonijiet li jilħqu riżultati eċċellenti u li jistabilixxu standards ġodda fl-industrija.

Il-Kap Eżekuttiv ta’ BNF Bank Michael Collis, akkumpanjat mill-Kap tal-Business Development Melvin Pellicano, kien Londra għall-għotja tal-premju fil-London Stock Exchange.

Is-Sur Collis qal “il-premju li ngħata lill-Bank tagħna jirrifletti l-importanza li dejjem tajna lil erba’ elementi b’saħħithom u li jagħtu valur fl-operat tagħna – mudell ta’ bbankjar iffukat, servizz personalizzat lill-klijenti, marka visibbli u fdata li kompliet tissaħħaħ bħala BNF Bank, u l-entużjażmu u l-perseveranza tat-tim tagħna f’suq kompetittiv ħafna.”

Qal ukoll li “r-riżultat hu wieħed ta’ servizz inimitabbli f’kuntest lokali fejn il-klijenti jeżiġu attenzjoni professjonali u personali. Ma stajniex nirbħu dan il-premju mingħajr it-tim imprezzabbli tagħna! Aħna grati li għandna nies motivati, professjonali u dedikata għall-aħħar.”

BNF Bank hu wieħed mill-ħames banek ewlenin u sistemiċi ta’ Malta.

Permezz ta’ approċċ segmentat, il-BNF Bank qal li jiffoka fuq iċ-ċiklu tal-ħajja tal-klijenti personali u tan-negozju, bi prodotti maħluqa apposta, ikkombinati ma’ servizz personalizzat.

Aħbarijiet Oħra
Għawdex

F’Għawdex tnieda servizz ta’ emerġenza ġdid għall-pubbliku li se jopera wara l-ħinijiet tal-uffiċċju, fi tmiem il-ġimgħa kif ukoll fil-btajjel pubbliċi. Dan is-servizz, li beda fuq inizjattiva tal-fergħa Għawdxija tal-Fondazzjoni għal…

Annimali

F’dan iż-żmien tas-sena ħafna jsibu ħin biex jagħmlu atti ta’ imħabba jew solidarjetà mal-oħrajn. Artista Franċiża li tgħix Malta ddeċidiet li ttella’ wirja b’pitturi biex bil-flus li tiġbor mill-bejgħ tagħhom,…

Mużika

Il-kunċert tal-President għas-Sena l-Ġdida se jżomm mat-tradizzjoni u jsir fl-Epifanija fis-6 ta’ Jannar f’Dar il-Mediterran għall-konferenzi l-Belt. Il-kunċert b’kollaborazzjoni ma’ Festival Malta u l-Orkestra Filarmonika ta’ Malta se jsir b’risq…

Kronaka

L-awtoritajiet tal-Faċilità Korrettiva ta’ Kordin qed jinvestigaw il-mewt ta’ priġunier Malti ta’ 26 sena li nstab mejjet. Television Malta jinsab infurmat li l-priġunier neħħa ħajtu. Fi stqarrija maħruġa mill-Faċilità Korrettiva…

Aktar